Студенты бон

Ныры студенттыл баст у Хуссар Иры фидӕн - президент

9
(ранӕуӕггонд 11:12 25.01.2021)
Хуссар Иры къуырисӕры нысан кӕнынц Студенты бон, уый фӕдыл сын раарфӕ кодта президент Бибылты Анатолий

ЦХИНВАЛ, 25 янв — Sputnik. Зонындзинӕдтӕ, кӕцытӕ сымах исут абон, уыдзысты бындур ӕнтыстджын куыстӕн Хуссар Ирыстоны хӕрзӕбонӕн, банысан кодта паддзахады сӕргълӕууӕг Бибылты Анатолий йӕ арфӕйы телы Студенты боны фӕдыл.

Президент бахахх кодта, ӕвзонг фӕлтӕры ӕнтыстджын куыстимӕ баст у нӕ бӕстӕйы фидӕн.

"Студентон рӕстӕг у тынг цымыдисон, ӕнӕмӕт, фӕлӕ бӕрнон этап алкӕцы адӕймаджы царды дӕр. Уый у период, кӕд ӕвӕрд ӕрцӕуы бындур фидӕнӕн, сӕххӕст вӕййынц бӕллицтӕ", - хъусын кӕны пресс-службӕ Бибылты Анатолий ныхӕстӕ.

Паддзахады сӕргълӕууӕг ӕрсидт студенттӕм, цӕмӕй ма тӕрсой рӕдыдтытӕй ӕмӕ алыхатт дӕр агурой ног фадӕттӕ.

"Уӕд сымах уыдзыстут амондджын ӕмӕ ӕнтыстджын адӕм", - бахахх кодта президент.

Ныфс мӕ ис, кӕй уыдзыстут ӕнтыстджын, ӕмӕ зонындзинӕдтӕ, кӕцытӕ сымах абон исут, уыдзысты бындур пайдаджын куыстӕн республикӕйы хӕрзӕбонӕн, бафтыдта Бибылты Анатолий.

9
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5
Коронавирус

Хуссар Иры рабӕрӕг ис 10 ног рынчыны коронавирусӕй

3
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3