Цхинвал

ФТЦ ӕмӕ фыдракӕндтӕ: МХМ радзырдтой Хуссар Иры криминогенон уавӕры тыххӕй

3
(ранӕуӕггонд 15:02 25.01.2021)
Республикӕйы барадхъахъхъӕнӕг органты радзырдтой, цал фыдракӕнды ӕмӕ аварийы ӕрцыд бӕстӕйы авд бонмӕ

ЦХИНВАЛ, 25 янв - Sputnik. Хуссар Ирыстоны иу къуыримӕ ӕрцыд ӕртӕ фыдракӕнды, уыдонӕй иу нӕ раргом кодтой, хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма, ивгъуыд къуыри цалдӕр адӕймаджы ӕрбаздахтой бӕрнмӕ алыгъуызон фӕткхӕлдты тыххӕй.

Уымӕй дарддӕр, МХМ фехъусын кодтой Хуссар Ирыстоны фӕндӕгтыл уавӕры тыххӕй дӕр. Паддзахадон автоинспекцийы бӕрӕггӕнӕнтӕм гӕсгӕ, республикӕйы ӕрцыд иу фӕндагон-транспортон цау, аварийы фӕстиуӕгӕн зианбаййафджытӕ нӕй.

Паддзахадон автоинспекцийы кусджытӕ авд бонмӕ ӕдӕппӕт сбӕрӕг кодтой фӕндагон змӕлды 183 фӕткхалды, цыппар шофыры ӕрурӕдтой автотранспорт нозтджынӕй скъӕрыны тыххӕй.

3
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5