Студенты бон ХИПУ-йы

ХИПУ аккагдӕр студентты схорзӕхджын кодтой президентон стипендитӕй

63
(ранӕуӕггонд 13:51 25.01.2021)
Хуссар Ирыстоны паддзахадон университеты ацыд студенты бонӕн нывонд мадзал. Ахуыргӕнӕн уагдонмӕ фӕуазӕг ис паддзахады разамонӕг Бибылты Анатолий

ЦХИНВАЛ, 25 янв — Sputnik, Плиты Фатимӕ. Президент Бибылты Анатолий схорзӕхджын кодта йӕ стипендитӕй ХИПУ-йы аккагдӕр студентты. Традицион церемони ӕрӕмных кодтой Студенты бонмӕ. Президенты степендийы хицау баисты 14 адӕймаджы.

Хуссар Ирыстоны паддзахадон университеты ацыд студенты бонӕн нывонд мадзал. Ахуыргӕнӕн уагдонмӕ фӕуазӕг ис паддзахады разамонӕг Бибылты Анатолий.

  • Студенты бон ХИПУ-йы
    Студенты бон ХИПУ-йы
    © Sputnik / Natalia Airiyan
  • Студенты бон ХИПУ-йы
    Студенты бон ХИПУ-йы
    © Sputnik / Natalia Airiyan
  • Студенты бон ХИПУ-йы
    Студенты бон ХИПУ-йы
    © Sputnik / Natalia Airiyan
  • Студенты бон ХИПУ-йы
    Студенты бон ХИПУ-йы
    © Sputnik / Natalia Airiyan
  • Студенты бон ХИПУ-йы
    Студенты бон ХИПУ-йы
    © Sputnik / Natalia Airiyan
1 / 5
© Sputnik / Natalia Airiyan
Студенты бон ХИПУ-йы

ХИПУ-йы ректор Тедеты Вадим банысан кодта, карантины фӕстӕ ахуырадон уагдоны ӕнӕкъуыхцыйӕ кӕй райдыдта куыст. Йӕ ныхӕстӕм гӕсгӕ, 800 студентӕн лӕвӕрд цӕуы 14 президентон степендийы, стӕй ма дзы 10 студенты та исынц зынгӕ бизнесмен, "БТК-групп"-ы хистӕр Болоты Таймуразы степендитӕ.

"Стипендийы аккаг суӕвынӕн ӕрмӕст хорз ахуыр фаг нӕу. Хъӕуы активон архайд. Ацы аз канд президентон стипендийӕн йӕ бӕрц нӕ фӕфылдӕр ис, фӕлӕ ма стипендиантты нымӕц дӕр фӕфылдӕр сты", - загъта ректор.

Президент дӕр загъта йӕ фӕндиӕгтӕ студенттӕн бӕрӕгбон ӕмӕ ӕмӕ ахуыры фӕдыл. Банысан кодта, цӕмӕй рӕзгӕ фӕлтӕртӕ равзаргӕ фӕндагыл ахуыр кӕной хорз ӕмӕ зӕрдыл ӕрлӕууын кодта, Хуссар Ирыстоны размынады кусджыты 80 проценты кӕй сты ХИПУ-йы рауагъдонтӕ.

"Ацы аз 1 январӕй фӕфылдӕр уыдзысты академион стипендитӕ 30 проценты. Райсдзысты сӕ фӕстӕдӕр, бюджетмӕ ивындзинӕдтӕ куы райсой, уӕд. Мах архайдзыстӕм, цӕмӕй ХИПУ-йы степендитӕ ӕрӕмных кӕнӕм Уӕрӕсейы уӕлдӕр ахуыргӕнӕндӕтты стипендиты онг", - загъта президент.

Уый ма бафтыдта, ахуырадон уагдоны кӕй ис ӕппӕт уавӕртӕ, цӕмӕй равзаргӕ фӕндагыл саразой хъӕугӕ къахдзӕфтӕ.

Президентон стипендиты хицау баисты Къуылыхты Анна, Сиукъаты Виктория, Уанеты Новик, Джиоты Валерия, Гӕбӕраты Алина, Кокойты Лана, Кокойты Альда, Зассеты Алана, Къудухты Алана, Гаглойты Эдгар, Марданты Альбина, Кулиджанова Тамара, Гӕбӕраты Ильяна ӕмӕ Тыджыты Кристина.

63
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15