ӔХМ хыгъдлӕвӕрд радта депутаттӕн коронавирусы ныхмӕ тохы фӕрӕзтӕ бахардз кӕныны фӕдыл

ӔХМ хыгъдлӕвӕрд радта депутаттӕн коронавирусы ныхмӕ тохы фӕрӕзтӕ бахардз кӕныны фӕдыл

5
(ранӕуӕггонд 15:42 27.01.2021)
Социалон политикӕ ӕмӕ ӕнӕниздзинад хъахъхъӕнынады фӕдыл парламентон комитеты сӕрдар куыд банысан кодта, афтӕмӕй амӕйразмӕ министрады хыгъдлӕвӕрды равдыстой ӕрмӕстдӕр 49 милуан сомы коронавирусы ныхмӕ тохы фӕрӕзтӕй

ЦХИНВАЛ, 27 янв - Sputnik. Хуссар Ирыстоны парламенты ӕрныхас кодтой бюджетон фӕрӕзтӕй 61 милуан сомы бахардз кӕныны фӕдыл, кӕцытӕ 2020 азы рахицӕн кодтой Ӕнӕниздзинад хъахъхъӕнынады министрадӕн коронавирусы ныхмӕ мадзӕлттӕн, хъусын кӕны парламенты пресс-службӕ.

Социалон политикӕ ӕмӕ ӕнӕниздзинад хъахъхъӕнынады фӕдыл парламентон комитеты сӕрдар Плиты Александр куыд банысан кодта, афтӕмӕй министрады хыгъдлӕвӕрды равдыстой ӕрмӕстдӕр 61 милуан сомы, уый фӕдыл депутаттӕ ракуырдтой бамбарын кӕнын, цӕуыл бахардз кодтой рахицӕнгонд фӕрӕзтӕ.

Ӕнӕниздзинад хъахъхъӕнынады министры х.ӕ. Тотчиты Георгий банысан кодта, хыгъдлӕвӕрды лӕмбынӕгӕй фыст у фӕрӕзты тыххӕй, кӕцытӕ рахицӕн кодтой нывӕзтмӕ гӕсгӕ.

"Ацы фӕрӕзтӕй спайда кодтой 39,2 милуан сомӕй, медицинон кусджытӕн фиддонтӕн – 17,4 милуан сомы, хостӕ балхӕнынӕн та – 8,1 милуан сомы. Уымӕй дарддӕр, президенты барамындӕй коронавирусы ныхмӕ тохы фӕлгӕтты министрадӕн рахицӕн кодтой 10 милуан сомы ифтонггарз ӕмӕ туаггуыр балхӕнынӕн", - загъта Тотчиты Георгий комитеты рабадты рӕстӕджы.

Уагдоны сӕргълӕууӕг банысан кодта, коронавирусы ныхмӕ тохӕн рахицӕнгод фӕрӕзты иумӕйаг суммӕ у 74-75 милуан сомы, сӕ нымӕцы 10 милуан сомы, кӕцытӕ рахицӕн кодтой туаггуыры хызӕгтӕн.

5
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

12
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

12
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

9
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
9
Дзиццойты Юрий

Дзиццойты Юрий: ирон æвзагæн йæ уидаг у тынг фидар

4
(ранӕуӕггонд 10:03 11.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууыл
Дзиццойты Юрий: ирон æвзагæн йæ уидаг тынг фидар у

Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.

"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.

Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.

"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.

Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.

Лæмбынæгдæр хъусут нæ аудиоæрмæджы.

4
Темӕтӕ:
Радио иронау