Коронавирус

РБМЦ сӕйраг дохтыр радзырдта коронавирусы уавӕры тыххӕй Хуссар Иры

5
(ранӕуӕггонд 15:12 27.01.2021)
Сӕйраг дохтыр банымадта республикӕйы рынчынкӕнынады уавӕр стабилоныл ӕмӕ банысан кодта, рынчындӕттӕ йедзаг кӕй не сты коронавирусӕй рынчынтӕй

ЦХИНВАЛ, 27 янв – Sputnik, Козаты Диана. Хуссар Ирыстоны медицинон уагдӕтты "сырх зонӕты" ӕртыццӕджы райсоммӕйы бӕрӕггӕнӕнтӕм гӕсгӕ, ис 64 пациенты коронавирусы диагнозимӕ, фехъусын кодта Sputnik республикон бирӕпрофилон медицинон центры (РБМЦ) сӕйраг дохтыр Быценты Индира.

Йӕ ныхӕстӕм гӕсгӕ, РБМЦ инфекцион хайады хоскӕнынад цӕуынц 37 адӕймаджы, иннӕтӕ та – сывӕллӕтты рынчындоны. Ӕртӕ рынчыны сты интенсивон терапийы хайады.

Быценты Индира банысан кодта, ногазон бӕрӕгбонты фӕстӕ республикӕйы чысыл фӕфылдӕр рынчынкӕнынады ӕмвӕзад, фӕлӕ январы кӕрӕттӕм уавӕр ногӕй у стабилон.

"Фӕнды мӕ банысан кӕнын, фӕстаг рӕстӕджы сӕнӕнизуӕвджыты нымӕц у фылдӕр ног рынчынтӕй", - загъта Быценты Индира.

Уый ма банысан кодта, республикӕйы ӕввахс рӕстӕджы кӕй нӕ ӕнхъӕлмӕ кӕсынц рынчынты нымӕцы фӕфылдӕрмӕ, кӕд ӕмӕ цӕрджытӕ ӕххӕст кӕндзысты ӕдасдзинады мадзӕлттӕ.

"Фӕлӕ Уӕрӕсейы апрелы ӕнхъӕлмӕ кӕсынц ӕртыккаг уылӕнмӕ, ӕмӕ уый фӕдыл мах цӕттӕ кӕнӕм. Кӕд ӕмӕ афтӕ ӕрцӕуа, уӕд мах хъуамӕ цӕттӕ уӕм", - бафтдыта медик.

Югосетпотребнадзоры фӕстаг бӕрӕггӕнӕнтӕм гӕсгӕ, Хуссар Ирыстоны пандемийы рӕстӕджы сарӕзтой 15 075 тесты коронавирусы фӕдыл, уыдонӕй 2 746 радтой ӕвӕрццаг фӕстиуӕг.

5
Хуссар Иры Дзауы районы скъоладзауты райстой Ногдзаутӕм

Хуссар Иры Дзауы районы скъоладзауты райстой Ногдзаутӕм

27
(ранӕуӕггонд 18:01 24.02.2021)
Цытджын церемони ацыд Фыдыбӕсты хъахъхъӕнӕджы боны цытӕн бӕрӕгбонон мадзӕлттӕ фӕлгӕтты

ЦХИНВАЛ, 24 фев – Sputnik, Плиты Фатимӕ. Хуссар Ирыстоны Дзауы районы банысан кодтой Фыдыбӕсты хъахъхъӕнӕджы бон скъоладзауты хайадистӕй. Мадзалы фӕлгӕтты ахуырдзауты райстой ногдзауты рӕнхъытӕм, уый тыххӕй Sputnik фехъусын кодтой районы администрацийы пресс-службӕйы.

Ахуырдзаутӕ кастысты ӕмдзӕвгӕтӕ ӕмӕ ӕххӕст кодтой хӕстон зарджытӕ.

"Хорз традици ссис ацы бон скъоладзауты ногдзауты рӕнхъытӕм райсын. Дзауы районы фӕндзӕм кълӕсты ахуырдзаутӕ бахордтой арт ӕмӕ бастой хъуырыл бӕттӕнтӕ", - загътой пресс-службӕйы.

Церемони ацыд Фыдыбӕсты хъахъхъӕнӕджы боны цытӕн мадзалы фӕлгӕтты.

"Сывӕллӕттӕ ӕрдзырдтой Ирыстоны хъайтарты тыххӕй, кӕцытӕ 1989-2008 азты хъахъхъӕдтой райгуырӕн бӕстӕ. Уыдонӕй кӕцыдӕртӕ фӕмардысты райгуырӕн бӕстӕйы сӕраппонд",- бафтыдтой пресс-службӕйы.

  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
1 / 2
Пресс-служба Дзауского района
Дзауы районы скъоладзауты райстой Ногдзаутӕм
27
Коронавирус

Санитарон уагдоны радзырдтой коронавирусы уавӕры тыххӕй Хуссар Иры

3
(ранӕуӕггонд 16:26 24.02.2021)
Санитарон уагдоны бӕрӕггӕнӕнтӕм гӕсгӕ, республикӕйы пандемийы рӕстӕджы сарӕзтӕуыд 18 мин иртӕстӕй фылдӕр коронавирусы фӕдыл, уыдонӕй 3025 радтой ӕвӕрццаг фӕстиуӕг

ЦХИНВАЛ, 24 фев – Sputnik, Хъуылымбегты Зӕлинӕ. Хуссар Ирыстоны ивгъуыд къуырийы кӕрон сбӕрӕг кодтой 17 ног рынчыны коронавирусӕй, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

Уый банысан кодта, фӕстаг тесттӕ кӕй сарӕзтой сабаты, улӕфт бонты рӕстӕджы та Югосетпотребнадзоры лабораторийы тесттӕ нӕ арӕзтой. Гаглойты Анна бафтыдта, зӕгъгӕ, ӕртыццӕджы, ногӕй райдыдтой аразын тесттӕ, сӕ фӕстиуджытӕ бӕрӕг уыдзысты цыппӕрӕмы райсоммӕ.

"Сабаты 115 тестӕй 17 радтой ӕвӕрццаг фӕстиуӕг", - фехъусын кодта уый.

Йӕ ныхӕстӕм гӕсгӕ, республикӕйы пандемийы рӕстӕджы сарӕзтӕуыд 18 мин иртӕстӕй фылдӕр коронавирусы фӕдыл, уыдонӕй 3025 радтой ӕвӕрццаг фӕстиуӕг. Медикты хъусдарды бын сты 888 адӕймаджы.

3
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3