Хуссар Иры кад АрМИ-2021-ы хъахъхъӕндзысты 60 ӕфсӕддонӕй фылдӕр

Хуссар Иры кад АрМИ-2021-ы хъахъхъӕндзысты 60 ӕфсӕддонӕй фылдӕр

4
(ранӕуӕггонд 14:23 27.01.2021)
Республикӕйы хъахъхъӕнынадон уагдоны кусджытӕ радзырдтой ДИФ минӕвӕрттимӕ фембӕлды Sputnik пресс-центры, куыд цӕттӕ кӕнынц командӕтӕ Ӕхсӕнадӕмон ӕфсӕддон хъӕзтытӕм

ЦХИНВАЛ, 26 янв — Sputnik, Гӕбӕраты Элина. Хуссар Ирыстоны кад Ӕхсӕнадӕмон ӕфсӕддон хъӕзтыты 2021 азы хъахъхъӕндзысты 60-мӕ ӕввахс ӕфсӕддоны. Уый тыххӕй фехъусын кодта журналисттӕн Sputnik Хуссар Ирыстоны пресс-центры Хъахъхъӕнынады министрады ӕфсӕддон цӕттӕкӕнынады фӕдыл офицер, майор Тедеты Давид.

Уый банысан кодта, ныртӕккӕ ӕфсӕддонтӕ активонӕй кӕй цӕттӕ кӕнынц Хъӕзтытӕм. Медиктӕ сӕ хъус дарынц сӕ физикон ӕмӕ психологон уавӕрмӕ.

"Административон кусджытимӕ иумӕ Хъӕзтытӕм ӕдӕппӕт ацӕудзысты 60-мӕ ӕввахс адӕймаджы", - банысан кодта майор.
Давид Тедеев
© Sputnik / Natalia Airiyan
Тедеты Давид

Йӕ ныхӕстӕм гӕсгӕ, цӕттӕкӕнынад цӕуынц куыд сӕйраг командӕтӕ, афтӕ фӕстауӕрцонтӕ дӕр.

Тедеты Давид банысан кодта, Хъӕзтыты алы командӕйӕн дӕр кӕй хъуамӕ уа йӕхи техникӕ, фӕлӕ хайадисӕг бӕстӕйы куырдиатӕй организатортӕ раттынц сӕхи хӕстон хӕдтулгӕтӕ.

Хуссар Ирыстон ацы аз дыккаг хатт хайад райсдзӕн Ӕхсӕнадӕмон ӕфсӕддон хъӕзтыты, кӕцытӕ райдайдзысты августы ӕмӕ ацӕудзысты 15 бӕстӕйы территорийыл. Республикӕ арвитдзӕн Хъӕзтытӕм ӕртӕ командӕйы, кӕцытӕ хайад райсдзысты конкурсты: "Танковый биатлон", "Снайперский рубеж", "Отличники войсковой разведки".

2020 азы хуссарирыстойнаг командӕтӕ фыццаг хатт хайад райстой конкурсты "Танковый биатлон" ӕмӕ "Отличники войсковой разведки" ӕмӕ райстой бӕрзонд фӕстиуджытӕ, сӕйраджыдӕр танкисттӕ. Уыдон дыккаг дивизионы бацахстой ӕртыккаг бынат.

4
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3