Дон

Цхинвалы уынгтӕй сӕ иуыл доны гъӕды басгӕрсты рӕстӕджы рабӕрӕг ис санитарон домӕнты фехӕлд

5
Амӕйразмӕ социалон хызӕг Facebook-ы фӕзынд хъусинаг доны ӕвзӕр гъӕды тыххӕй столицӕйы уынгтӕй сӕ иуыл. Генпрокуратурӕ ацы цауы фӕдыл ауагъта басгӕрст

ЦХИНВАЛ, 28 янв - Sputnik. Генпрокуратурӕйы фӕдзӕхстӕй фӕлсхасгӕнджыты бартӕ хъахъхъӕныны фӕдыл комитет сарӕзта лабораторон иртӕст доны гъӕдӕн, кӕцы цӕуы Цхинвалы уынгтӕй сӕ иуы цӕрджытӕм.

Амӕйразмӕ социалон хызӕг Facebook-ы фӕзынд хъусинаг доны ӕвзӕр гъӕды фӕдыл, кӕцы цӕуы доны хӕтӕлтӕ раст кӕй нӕ баиу кодтой, уый тыххӕй.

"Басгӕрсты рӕстӕджы сбӕрӕг кодтой, доны хӕтӕлтӕ раивыны рӕстӕджы кӕй не ‘ххӕст кодтой санитарон домӕнтӕ нуазыны доны гъӕдмӕ", - дзырдӕуы уагдоны хъусинаджы.

Басгӕрсты фӕстиуджытӕм гӕсгӕ Паддзахадон унитарон куыстуат "Водоканал"-ы директормӕ генпрокуратурӕйы куырдиат куы ӕрбацыд, уӕд фехӕлдтӕ аиуварс кодтой.

"Уагъд цӕуы иудадзыг санитарон-лабораторон хъусдард графикмӕ гӕсгӕ, кӕцы сфидар кодта фӕлсхасгӕнджыты бартӕ хъахъхъӕныны фӕдыл комитет", - бахахх кодтой пресс-службӕйы.

Афтӕ ма генпрокуратурӕйы куырдиаты уыд домӕн, цӕмӕй ахӕм куыстытӕ уадзыны рӕстӕджы цӕрджытӕн развӕлгъау фехъусын кӕной.

5
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5