Хуссар Ирыстоны парламент

Хуссар Иры парламенты æнæрадон сесси аргъæвтой æбæрæг рæстæгмæ

27
(ранӕуӕггонд 13:36 28.01.2021)
Рабадт хъуамæ ацыдаид æртыццæджы, фæлæ оппозицион депутатты иу къорд не рбацыдысты парламентмæ. Президент Бибылты Анатолий æрдомдта аргъæвын сесси цыппæрæммæ

ЦХИНВАЛ, 28 янв – Sputnik, Козаты Диана. Хуссар Ирыстоны парламенты æнæрадон сесси, кæцы хъуамæ ацыдаид цыппæрæмы æмбисбон президент Бибылты Анатолийы домдмæ гæгæ, аргъæвтой æбæрæг рæстæгмæ.

Депутаттæм бахатыдысты, цæмæй уой "бастдзинадыл", уымæн æмæ сесси чизоны ауадзой фæстæдæр.

Цалдæр боны размæ бæстæйы сæргълæууæг, йæ конституцион барæй спайда кæнгæйæ, æрдомдта ауадзын парламенты æнæрадон сесси. Бибылты Анатолий хъуамæ æруынаффæ кодтаид парламентарийтимæ Хуссар Иры сæвзæргæ æхсæнадон-политикон уавæрыл.
Фæлæ рабадт нæ ацыд, кворум (23 депутаты) кæй нæ уыд, уый тыххæй - сессимæ не 'рбацыд оппозицион депутатты иу къорд. Президент снысан кодта æнæрадон сессийы ног датæ цыппæрæммæ æмæ бафиппайдта, куыдфæндыйæ дæр кæй сараздзæн ныстуан цæрджытæм.

"Абонмæ снысангонд сесси аргъæвтой. Гæнæн ис æмæ бынтондæр ма ацæуа", - загъта парламенты минæвар.

Парламент РЮО
© Sputnik / Natalia Airiyan
Хуссар Ирыстоны парламент

Уыимæ оппозицион депутатты иу къорд сессийы фæсыккы фæстæ арвыста фыстæг Уæрæсейы вице-премьер Марат Хуснуллинмæ, цы ран фехъусын кодтой, РХИ æмæ УФ хицаудты хсæн контакттæ легитимон кæй не сты, уымæн æмæ премьер æмæ министрты кабинетæн сæ æххæстбарты æмгъуыд кæй ацыд 29 октябры.

Хуссар Иры æхсæнады уавæр скарз ис, Цхинвалы цæрæг Дзабиты Инал криминалон милицийы бафарсты рæстæджы нады фæстиуæгæн куы фæмард 28 августы, уый фæстæ.

27
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3