Зонад-иртасӕн институты фасад

Цхинвалы фӕуд кӕны Зонад-Иртасӕн институты фасады реставраци

7
(ранӕуӕггонд 16:35 28.01.2021)
Хуссар Ирыстоны Зонад-иртасӕн институты фасады цалцӕггӕнӕн куыстытӕ уагъд цӕуынц фыццаг хатт ивгъуыд ӕнусы 70-ӕм ӕзтӕй фӕстӕмӕ

ЦХИНВАЛ, 28 янв – Sputnik, Хъуылымбегты Азӕмӕт. Зонад-Иртасӕн инстиуты бӕстыхайы фасады реставрацийы кӕронбӕттӕн ӕмгъуыд снысан кодтой февралы кӕрӕттӕм, фехъусын кодта Sputnik институты директор Гаглойты Роберт.

"Цалцӕггӕнӕн куыстыты ма ис чысыл баххӕстгӕнинӕгтӕ. Бахизӕны ныридӕгӕн сӕвӕрдтой лексан. Ахӕм цалцӕг ратдзӕн аив хуыз бӕстыхайӕн, кӕцымӕ хъус нӕ дардтой ивгъуыд ӕнусы 70-ӕм ӕзтӕй фӕстӕмӕ ", - загъта Гаглойты Роберт.

Уый бафтыдта, зӕгъгӕ, ныртӕккӕ сӕйраг куыстытӕ уагъд цӕуынц бӕстыхайы мидӕггагон кӕрты. Йӕ ныхӕстӕм гӕсгӕ, куыстытӕ рӕстӕгмӕ ӕрурӕдтой ӕвзӕр боныгъӕды тыххӕй.

Раздӕр куыд хъусын кодтой, афтӕмӕй Зонад-Иртасӕн институты фасады цалцӕгӕн фӕрӕзтӕ рахицӕн кодтой республикӕйы сӕргълӕууӕг Бибылты Анатолийы сӕрмагонд фондӕй. Арӕзтадон куыстыты сӕргъ лӕууы Хъотайты Рутен.

7
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5