Калашниковы автомат

Хуссар Ирыстоны цӕрӕг барвӕндонӕй радта милицимӕ ӕнӕзаконон хӕцӕнгарз

11
(ранӕуӕггонд 10:56 29.01.2021)
Ивгъуыд аз барадхъахъхъӕнӕг органтӕ систой ӕнӕзаконон зылдӕй 17 хӕцӕнгарзы ӕмӕ 309 хӕстӕрмӕджы

ЦХИНВАЛ, 29 янв - Sputnik. Ленингоры районы цӕрӕг барвӕндонӕй радта милицимӕ Калашниковы автомат, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

"Ленингоры районы Цъинагары хъӕуы 63-аздзыд цӕрӕг барвӕндонӕй радта Цъинагары мидхъуыддӕгты хайадмӕ хӕцӕнгарз АКМ. Ӕнӕзаконон автомат нӕлгоймаг радта мидхъуыддӕгты органтӕм, цӕмӕй йӕ ма ӕрбаздахой уголовон бӕрндзинадмӕ", - дзырдӕуы хъусинаджы.

Милицийы кусджытӕ уадзынц басгӕрст ацы цауы фӕдыл.

Ивгъуыд аз барадхъахъхъӕнӕг органтӕ систой ӕнӕзаконон зылдӕй 17 хӕцӕнгарзы ӕмӕ 309 хӕстӕрмӕджы. Мидхъуыддӕгты органтӕм барвӕндонӕй сӕ хӕцӕнгарз ӕрбахастой фондз адӕймаджы.

11
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5