Тугдзыхты куынӕггӕнджытӕн лӕвӕрд цӕуыдзысты цуанӕн лицензитӕ

Тугдзых сырдты куынӕггӕнджытӕн лӕвӕрд цӕудзысты цуанон лицензитӕ

10
(ранӕуӕггонд 13:35 29.01.2021)
Хуссар Ирыстоны сырдты ӕмӕ ӕрдз бахъахъхъӕны нысанӕн арӕзт ӕрцыдысты ӕвӕрд бынӕттӕ Зонкъармӕ ӕввахс ӕмӕ Знауыры районы, уый фӕрцы фӕфылдӕр ис сырдты мыггаг

ЦХИНВАЛ, 29 янв - Sputnik, Плиты Фатимӕ. Хуссар Ирыстоны ӕрдзон ресурсты комитет тугдзых сырдтӕ амарджытӕн лӕггад кӕндзæн цуан кӕныны лицензитӕй. Уый тыххӕй Sputnik фехъусын кодта уагдоны хистӕр Бестауты Бала.

"Тугдзых сырдтӕ чи куынӕг кӕны, уыдонӕн премитӕ дӕттыны сӕрмагонд нывӕзт нал архайы. Фӕлӕ аскъуыддзаг кодтам бирӕгъ ӕмӕ хӕдмӕлхор чи куынӕг кӕна, уыдонӕн балӕггад кӕндзыстӕм цуаны лицензитӕй ӕмӕ сын бамбарын кӕндзыстӕм цуаны цӕуыны фӕткойтӕ. Ацы мадзӕлттӕ ист цӕуынц, цӕмӕй фӕкъаддӕр кӕнӕм тугдзыхты мыггаг", - загъта Бестауты Бала.

Хуссар Ирыстоны сырдты ӕмӕ ӕрдз бахъахъхъӕны нысанӕн арӕзт ӕрцыд ӕвӕрд бынӕттӕ Зонкъармӕ ӕввахс ӕмӕ Знауыры районы, уый фӕрцы фӕфылдӕр ис сырдты мыггаг.

"Иумӕйагӕй сисгӕйӕ сырд фӕзынд нӕ хъӕдты, ӕгъдау ӕмӕ ӕмбарынад фӕзынд цуангӕнджытӕм ӕмӕ ӕнӕвгъауӕй нал цӕгъдынц сырды. Зонкъары ӕвӕрд бынаты архайы мобилон къордтӕ, кӕцытӕ цуан кӕнынц тугдзых сырдтыл - бирӕгъ ӕмӕ хӕдмӕлхортыл, цӕмӕй сын сӕ мыггаг фӕкъаддӕр кӕной ӕмӕ ма цӕгъдой сырд ӕмӕ хӕдзарон фосы", - бафтыдта уый.

Бестауты Бала ма бафтыдта, ӕнӕзакъонӕй цы цуанонтӕ цӕгъдынц саг, сӕгуыт, арс ӕмӕ хъӕддаг хуыты, уыдон кæй бакӕнынц барадхъахъхъӕнӕг органты бӕрны.

10
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2