Цхинвалы фӕбӕрӕг сты хуыздӕр ленкгӕнджытӕ

Цхинвалы фӕбӕрӕг сты хуыздӕр ленкгӕнджытӕ

5
(ранӕуӕггонд 09:45 01.02.2021)
Призтыл тох кодтой аст тренеры хъомылгӕнинӕгтӕ

ЦХИНВАЛ, 1 фев – Sputnik, Плиты Фатимӕ.  Хорзӕхты 12 комплектыл тох бацайдагъ ис цхинвайлаг спорты галуан "Олимп"- ы турнир "Сызгъӕрин кӕсаг-2021"- ы фӕлгӕтты. Ерысты архайдтой 180 спортсмены, уый тыххӕй Sputnik фехъусын кодта ленк кӕныны Федерацийы разамонӕг Евгения Терлеева.

Призтыл тох кодтой аст тренеры хъомылгӕнинӕгтӕ.

"Сывӕллӕттӕ рагӕй нал архайдтой турниры. Фӕстаг хатт ма ерыстӕ уыдысты ивгъуыд азы октябры. Ацы ерысты уыд ӕхсӕз кары къорд чызджыты хсӕн, уый ӕмбӕрц та лӕппуты хсӕн. Сӕ ралӕудтӕй нӕ зӕрдӕтӕ барухс сты",- загъта Терлеева.

Йӕ ныхӕстӕм гӕсгӕ, ерысты сӕйраг нысан уыд сывӕллӕтты ерыс кӕныныл фӕцайдагъ кӕнын.

"Сӕйраг у ерыс кӕныны фӕлтӕрддзинад сын радтӕм. Кӕд уӕлахиздзаутӕ фылдӕр мӕ къордӕй уыдысты, уӕддӕр хорз ӕнтыстытӕ уыд Тъотъоты Хасаны хъомылгӕнинӕгтӕн дӕр. Ӕмткӕй бирӕ сывӕллӕттӕ равдыстой хорз цӕттӕдзинад ӕмӕ фидар удыхъӕд",- бафтыдта уый.

Уый ма бафтыдта, ерысты къӕлиндары уыдон бахастой ӕхсӕз турниры.

 

5
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3