Мӕргъиты Алан

Бибылты Анатолий раивта Хуссар Иры хъӕууон хӕдзарады министры

4
(ранӕуӕггонд 12:50 01.02.2021)
Мӕргъиты Алан уагдоны къухдариуӕггӕджы бынаты раивта Пухаты Левы, кӕцы слӕууыд министрады сӕргъ 2017 азы

ЦХИНВАЛ, 1 фев - Sputnik. Хуссар Ирыстоны президент Бибылты Анатолий бафыста барамынд республикӕйы хъӕууон хӕдзарады министрӕй Мӕргъиты Аланы снысан кӕныны фӕдыл. Документ мыхуыр ӕрцыд паддзахады сӕргълӕууӕджы сайтыл къуырисӕры.

"Снысан кӕнын Мӕргъиты Алан Таймуразы фырты хъӕууон хӕдзарады министры хӕстӕ ӕххӕстгӕнӕгӕй, уыимӕ йӕ ссӕрибар кӕнын Паддзахадон ветеринарон ӕмӕ фитосанитарон цӕстдарды службӕ "Югоссельхознадзор"-ы хистӕры бынатӕй", - дзырдӕуы барамынды.

Раздӕр ацы бынаты куыста Пухаты Лев, кӕцы слӕууыд министрады сӕргъ 2017 азы.

Биографион справкӕ

Мӕргъиты Алан райгуырд 1987 азы Цхинвалы.

2008 азы каст фӕцис Мӕскуыйаг паддзахадон педагогон университет, райста менеджменты дӕсниад.

2013-2015 ӕзты куыста Адӕмон хӕдзарад ӕмӕ паддзахадон службӕйы уӕрӕсейаг академийы.

Ис ын бинонтӕ, хъомыл кӕны дыууӕ сывӕллоны.

4
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5