ЦХИНВАЛ, 3 фев – Sputnik, Хъуылымбегты Зӕлинӕ. Хуссар Ирыстоны фӕстаг суткӕйы рабӕрӕг ис коронавирусӕй ноджы 13 фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.
"Сарӕзтам 129 тесты, уыдонӕй 13 равдыстой низы уӕвынад", - загъта уый.
Уагдоны минӕвар ма бафтыдта, медикты хъусдардӕй ӕртыццӕджы райсоммӕ кӕй систой ноджы 12 адӕймаджы.
"Иумӕйагӕй сисгӕйӕ сӕнӕниз сты 2024 адӕймаджы, медикты хъусдарды бын ма ис 810 пациенты", - радзырдта Гаглойты Анна.
Пандемийы райдианӕй республикӕйы территорийыл сарӕзтӕуыд 16 мин тестӕй фылдӕр, коронавирус бӕрӕг ӕрцыд 2834 адӕймагӕн.
