Хуссар Иры МХМ кусджыты сараздзысты тесттӕ наркотиктӕй пайда кӕныны фӕдыл

Хуссар Иры МХМ кусджыты сараздзысты тесттӕ наркотиктӕй пайда кӕныны фӕдыл

6
(ранӕуӕггонд 15:19 03.02.2021)
Паддзахады сӕргълӕууӕг бахӕс кодта ауадзын басгӕрст МХМ коллегийы рабадтыл, кӕцыйы рӕстӕджы хатдзӕгтӕ скодтой мидхъуыддӕгты органты оперативон-службӕйон архайдӕн 2020 азы

ЦХИНВАЛ, 3 фев - Sputnik. Республикон бирӕпрофилон медицинон центры наркологон диспансеры райдыдтой аразын тесттӕ Хуссар Ирыстоны мидхъуыддӕгты органты кусджытӕн наркотиктӕй пайда кӕныны фӕдыл, хъусын кӕны республикӕйы Мидхъуыддӕгты министрады (МХМ) пресс-службӕ.

"МХМ медико-санитарон хайад балхӕдта тест-ситемӕтӕ, кӕцытӕ бӕрӕг кӕнынц наркотикты 10 хуызы. Уыдон сты реагенттӕ, кӕцытӕ бӕрӕг кӕнынц ахӕм наркотиктӕ куыд морфин, гӕн, кокаин, метадон ӕмӕ ӕндӕртӕ. Бон тесттӕ араздзысты 80 кусӕджы онг. Ацы мадзалы фӕуды фӕстӕ хатдзӕгтӕ скӕндзысты уагдоны куыстӕн", - радзырдтой уагдоны.

Фыццаг этапыл басгӕрст рацыд уагдоны къухдариуӕгад. Тесттӕ аразынмӕ йӕ хъус дары къамис, кӕцыйы сконды сты уагдоны хи ӕдасдзинады хайады кусджытӕ ӕмӕ МХМ наркотикты зылдмӕ хъусдарды хайады кусджытӕ.

"Куы сбӕрӕг кӕной, кусӕг наркотиктӕй кӕй пайда кодта, уӕд скъуыддзаг цӕудзӕн фарст, цӕмӕй йӕ ссӕрибар кӕной мидхъуыддӕгты органты куыстӕй", - бахахх кодтой МХМ.

Ахӕм багӕрст ауадзыны фӕдыл хӕслӕвӕрд радта президент Бибылты Анатолий, банысан кодтой МХМ. Паддзахады сӕргълӕууӕг бахӕс кодта ауадзын басгӕрст МХМ коллегийы рабадтыл, кӕцыйы рӕстӕджы хатдзӕгтӕ скодтой мидхъуыддӕгты органты оперативон-службӕйон архайдӕн 2020 азы.

6
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3