Коронавирус

Хуссар Иры сбӕрӕг кодтой 12 ног рынчыны коронавирусӕй

9
Республикӕйы пандемийы райдайӕнӕй сарӕзтой 16 мин тестӕй фылдӕр коронавирус сбӕрӕг кӕныны фӕдыл

ЦХИНВАЛ, 4 фев – Sputnik, Хъуылымбегты Азӕмӕт. Хуссар Ирыстоны ивгъуыд суткӕйы сбӕрӕг кодтой 12 ног рынчыны COVID-19-ӕй, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Сарӕзтӕуыд 146 иртӕсты, уыдонӕй 12 радтой ӕвӕрццаг фӕстиуӕг", - загъта уый.

Афтӕ ма Гаглойты Анна бафтыдта, зӕгъгӕ, иу суткӕмӕ медикты хыгъдӕй систой ноджы ӕхсӕз адӕймаджы - коронавирусӕй ӕдӕппӕт сӕнӕниз сты 2 030 адӕймаджы. Медикты хъусдарды бын ма сты 816 адӕймаджы.

Хуссар Ирыстоны пандемийы рӕстӕджы сарӕзтой 16 227 тесты коронавирусы фӕдыл, уыдонӕй 2 846 радтой ӕвӕрццаг фӕстиуӕг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

9
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

4
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

4
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2