Зынгфӕдисонтӕ ахуыссын кодтой судзгӕ хус кӕрдӕг Хуссар Иры дыууӕ хъӕуы

Зынгфӕдисонтӕ ахуыссын кодтой судзгӕ хус кӕрдӕг Хуссар Иры дыууӕ хъӕуы

4
(ранӕуӕггонд 11:37 04.02.2021)
Ӕртыццӕджы Дменисы хъӕуы ссыгъд хус кӕрдӕг, арт аххӕссыд 200-300 квадратон метрыл. Ахӕм цау ма ӕрцыд Хъорнисы хъӕуы дӕр

ЦХИНВАЛ, 4 фев – Sputnik, Хъуылымбегты Азӕмӕт. Дменисы хъӕуы Гуырдзыстоны арӕны цур ӕртыццӕджы ссыгъд хус кӕрдӕг, фехъусын кодта Sputnik Уӕлвӕткон уавӕрты министрады (УУМ) радгӕсон хайады хистӕр, майор Зӕгъойты Важа.

"УУМ радгӕсон хайадмӕ цауы фӕдыл бадзырдтой 17:29 сахатыл. Зынгсирвӕзты бынатмӕ ацыд зынгфӕдисон къорд. Арт аххӕссыд 200-300 квадратон метрыл", - загъта Зӕгъойты Важа.

Уый ма бафтыдта, зӕгъгӕ, Знауыры районы УУМ радгӕсон хайадмӕ та бадзырдтой 18:15 сахатыл ӕмӕ фехъусын кодтой Хъорнисы хъӕуы хус кӕрдӕджы ссыгъды тыххӕй. Зынгфӕдисонтӕ сӕххӕст кодтой сӕ хӕслӕвӕрд ӕмӕ ахуыссын кодтой арт.

Амӕйразмӕ хъусын кодтой, уыцы бон ма Цхинвалы районы Галуанты хъӕуы хисӕрмагонд хӕдзары кӕй ӕрцыд зынгсирвӕзт, кӕцыйы фӕстиуӕгӕн амард иу адӕймаг.

4
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

0
(ранӕуӕггонд 14:23 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат  "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зарамаг — Цæгаттаг портал— Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

0
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5