Ӕлборты Евгения

Хуссар Иры йӕ цардӕй ахицӕн Стыр Фыдыбӕстон хӕсты ветеран Ӕлборты Евгения

11
(ранӕуӕггонд 11:39 04.02.2021)
Ӕлборты Евгения уыд иууыл хистӕрдӕр Хуссар Ирыстоны удӕгас ветерантӕй, ацы аз йыл сӕххӕст уыдаид 101 азы

ЦХИНВАЛ, 4 фев - Sputnik, Хъуылымбегты Азӕмӕт. Хуссар Ирыстоны йӕ цардӕй ахицӕн Стыр Фыдыбӕстон хӕсты ветеран Ӕлборты Евгения, фехъусын кодтой Sputnik Ветеранты советы.

Ветеранӕн фӕстаг хӕрзбон зӕгъыны бынат ӕмӕ рӕстӕг нырма нӕ фехъусын кодтой.

Ӕлборты Евгения райгуырд 1920 азы 15 апрелы. Хӕст куы райдыдта, уӕд Евгения цард ССРЦ Пермы крайы. Уырдӕм уый ацыд йе ‘мкъай, ӕфсӕддон Коцты Аршакимӕ. Уый фӕстӕ йе ‘мкъай ацыд фронтмӕ, Евгения та ӕрыздӕхт Цхинвалмӕ ӕмӕ куыста эвакуацион госпиталы.

Йӕ ӕрвылбонон архайдӕй Ӕлборты Евгения сфидар кодта иузӕрдыгдзинад йӕ куыстмӕ.

11
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5