Тагъд премьера: театры равдыста комеди аивадон советӕн

Тагъд премьерӕ: театр равдыста ног комеди аивадон советӕн

94
(ранӕуӕггонд 12:12 05.02.2021)
Спектакль федтой канд театры аивадон совет нӕ, фӕлӕ ма культурӕйы министрады минӕвӕрттӕ дӕр. Уыд сӕм чысыл фиппаинӕгтӕ, ӕввахс бонты фӕбӕрӕг уыдзӕн премьерӕйы бон

ЦХИНВАЛ, 5 фев – Sputnik, Плиты Фатимӕ. Хуссар Ирыстоны паддзахадон театры цыппӕрӕмы сфӕлдыстадон советӕн премьерӕйы агъоммӕ равдыстой комеди "Ӕз рынчын нӕ дӕн" (Любовь до потери памяти). Сфӕлдыстадон советы уынаффӕтӕ цыдысты ӕнӕ журналисттӕй, фӕлӕ комеди фиппаинӕгтимӕ рекомендацигонд ӕрцыд ӕвдисынмӕ. Уагдоны пресс-службӕйы Sputnik фехъусын кодтой, ӕввахс бонты нысан кӕй ӕрцӕудзӕн премьерӕйы бон.

"Спектакль федтой канд театры аивадон совет нӕ, фӕлӕ ма культурайы министрады минӕвӕрттӕ дӕр. Уыд сӕм чысыл фиппаинӕгтӕ. Ӕввахс бонты фехъусын кӕндзыстӕм премьерӕйы бон", - загътой пресс-службӕйы.

Уӕрӕсейаг драматург Валентин Красногоровы ӕрмӕгыл бакуыстой актерты къорд режиссер Чилӕхсаты Эдуарды разамындӕй.

Чилӕхсаты Эдуардӕн Хуссар Ирыстоны паддзахадон драмон театры сценӕйыл ис бирӕ ӕнтыстджын куыстытӕ. Уыдонӕй иу у кӕсӕджы уарзон комеди "Сылгоймаг, нӕлгоймаг, мард, рудзынг".

Предпремьерный показ комедии в ГДТ
© Sputnik / Фатима Плиева
Тагъд премьера: театры равдыста комеди аивадон советӕн

Режиссер фылдӕр бӕрцӕй кусы артистты иу къордимӕ. Ацы хатт дӕр та кусы йе 'мкурсон, Адӕмон артист Бибылты Сосланимӕ. Уымӕй дарддӕр ма пьесӕйы архайынц сгуыхт артисттӕ - Куымӕридтаты Батрадз, Хуыгаты Альбина, Натия Чохели ӕмӕ Харебаты Жан-Жак. Комедийы фидыцтӕй иу суыдзӕн удӕгас музыкӕ.

Спектаклӕн дарӕс бацӕттӕ кодта Коцты Татьяна, декорацитыл бакуыста Хуссар Ирыстоны адӕмон нывгӕнӕг Цхуырбаты Тамерлан.

Предпремьерный показ комедии в ГДТ
© Sputnik / Фатима Плиева
Предпремьерный показ комедии в ГДТ
94
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

6
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы

ЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.

Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.

"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.

Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.

Генеральная репетиция Парада ко Дню республики
© Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.

6
Карантин

Хъыгдары ахуырадон процесс: столицӕйы администрацийы радзырдтой скъолаты карантины тыххӕй

9
(ранӕуӕггонд 16:50 17.09.2021)
Карантиныл сӕхгӕдтой 11 къласы ӕмӕ фондз къорды горӕты цалдӕр скъола ӕмӕ сабидоны. Куыст уым сног кӕндзысты хуымӕтӕг режимы 24 сентябры, банысан кодтой столицӕйы администрацийы

ЦХИНВАЛ, 17 сен – Sputnik, Козаты Диана. Хуссар Ирыстоны карантиныл сӕхгӕдтой 11 къласы столицӕйы скъолаты ӕмӕ цалдӕр къорды горӕты сабидӕтты. Уагдӕттӕ нывӕндынц ракӕнын штатон куыстмӕ фидӕн къуыри, бӕрӕгбоны фӕдыл улӕфт бонты фӕстӕ, фехъусын кодта Цхинвалы администрацийы ахуырады хайады хистӕр Сиукъаты Ольга.

Хуссар Ирыстоны сӕрдӕй фӕстӕмӕ фылдӕр кӕнынц коронавирусӕй рынчынтӕ. Югосетпотребнадзоры бӕрӕггӕнӕнтӕм гӕсгӕ, ивгъуыд суткӕйы вирус сбӕрӕг кодтой 48 адӕймагӕн.

"Карантины фӕдыл фыццаг приказтӕ ӕрбацыдысты 9 сентябры. Уӕдӕй фӕстӕмӕ ӕрвыл бон фылдӕр кӕны ӕхгӕд кълӕсты нымӕц. Абоны бон махмӕ ӕхгӕд сты 11 къласы ӕмӕ фондз къорды сабидӕтты. Кълӕстӕ ӕхгӕд сты 1, 2, 5 ӕмӕ 6-ӕм скъолаты. Карантин фӕуд кӕны 24 сентябры", - загъта Сиукъаты Ольга.

Уый банысан кодта, зӕгъгӕ, ахуырдзауты хсӕн рынчынтӕ кӕцы кълӕсты ис, уым ахуыргӕнджытӕ раттынц хӕслӕвӕрдтӕ ӕмӕ уадзынц консультацитӕ.

"Афтӕ нын дзуапп кӕнынц скъолаты директортӕ. Фӕлӕ махмӕ ахуыргӕнджытӕй дӕр бирӕ ис рынчын. Дистанцион ахуыр зын, ӕмӕ къласӕн сӕхи ахуыргӕнӕг куы нӕ вӕййы, уӕд та ноджы зындӕр у", - банысан кодта Сиукъаты Ольга.

Йӕ ныхӕстӕм гӕсгӕ, ахӕм уавӕрты хъыгдард ӕййафы ахуырадон процесс.

Майрӕмбоны бӕрӕггӕнӕнтӕм гӕсгӕ, Хуссар Ирыстоны пандемийы райдайӕнӕй коронавирусӕй фӕрынчын сты 5473 адӕймаджы.

9
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10