РХИ парламент

Парламенты быцӕудзинӕдтӕ хъуамӕ ма лӕууой нӕ бӕстӕты интерестӕй уӕлдӕр Косачев

6
(ранӕуӕггонд 10:45 05.02.2021)
Уæрæсейаг парламентон делегаци Федерацийы Советы æхсæнадæмон хъуыддæгты фæдыл комитеты сӕрдар Константин Косачевы сæргълæудæй æрцыд Хуссар Ирыстонмӕ хуссарирыстойнаг депутаттимæ фембæлдмӕ æхсæнпарламентон æмгуыстады фæдыл æдзухон къамисы фæлгæтты

ЦХИНВАЛ, 5 фев - Sputnik, Козаты Диана. Уӕрӕсейаг парламентаритӕ фӕнд кӕнынц пададжын куыст кӕнын хуссарирыстойнаг коллегӕтимӕ, загъта Феерацийы Советы комитеты сӕрдар Константин Косачев Хуссар Ирыстоны парламенты фыццаг вице-спикер Гасситы Петримӕ фембӕлды рӕстӕджы.

Уӕрӕсейаг парламентаритӕ ӕрцыдысты республикӕмӕ дыууӕ бӕстӕйы ӕхсӕнпарламентон ӕмгуыстады фӕдыл Къамисы рабадты хайад райсыны тыххӕй. Майрӕмбоны райсомӕй делегацийы райста президент Бибылты Анатолий.

Фембӕлды райдайӕны Гасситы Петр банысан кодта, ацы балц кӕй бахахх кодта дыууӕ паддзахады хсӕн хорз ахастытӕ.

"Ацы фембӕлдтӕ арӕх ацӕуынц, фӕлӕ пандеми бахаста йӕхи ивындзинӕдтӕ. Рагӕй нал фембӕлдыстӕм", - загъта Гасситы Петр.

Константин Косачев загъта бузныг дыууӕ бӕстӕйы хсӕн ӕхсӕнпарламентон бастдзинӕдтӕ сног кӕнынӕн ӕххуысы тыххӕй.

"Ууыл бандӕвтой республикӕйы цаутӕ. Иу сесси рауагътой. Бакӕсӕм, дарддӕр цы ӕрцӕудзӕн. Цӕттӕ стӕм ацыдӕр саразын, цӕмӕй сног кӕнӕм нӕ ӕмгуыстад ӕххӕст бӕрцуатӕй", - загъта сенатор.

Уый бахахх кодта, иумӕйаг нывӕзтыты реализацийӕн кӕй хъӕуы Хуссар Ирыстоны парламенты ӕххӕст куыст.

"Нӕ хӕслӕвӕрд у фенын, нӕ коллегӕтӕ дӕр кӕй сты цӕттӕ ӕмгуыстадмӕ. Парламенты алыгъуызон быцӕудзинӕдтӕ хъуамӕ ма лӕууой бӕстӕты интерестӕй уӕлдӕр", - банысан кодта Косачев.

Сенатор бахахх кодта, уыдон кӕй дзурдзысты, цӕмӕй дыууӕварсон ӕмгуыстады ахсджиаг механизм – Хуссар Ирыстоны парламент – куса ӕххӕст бӕрцуатӕй.

"Кӕй зӕгъын ӕй хъӕуы, скъуыддзаг сымах рахӕсдзыстут. Мах зӕгъдзыстӕм нӕ хъуыды нӕ аннӕ коллегӕтимӕ фембӕлды рӕстӕджы дӕр", - бафтыдта Косачев.

Хуссар Иры æхсæнады уавæр скарз ис, Цхинвалы цæрæг Дзабиты Инал криминалон милицийы бафарсты рæстæджы нады фæстиуæгæн куы фæмард 28 августы, уый фæстæ.

Фӕстӕдӕр оппозицион депутатты иу къорд арвыста фыстæг Уæрæсейы вице-премьер Марат Хуснуллинмæ, цы ран фехъусын кодтой, РХИ æмæ УФ хицауадты хсæн контакттæ легитимон кæй не сты, уымæн æмæ премьер æмæ министрты кабинетæн сæ æххæстбарты æмгъуыд кæй ацыд 29 октябры.

6
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15