Транскам

Транскамы хуссайраг фарсыл уары мит. Трассӕ нырма кусы

5
(ранӕуӕггонд 12:12 05.02.2021)
Фӕндагон службӕтӕ сыгъдӕг кӕнынц фӕндаг митӕй Трнаскавказаг автомагистралы хуссарирыстойнаг хайыл

ЦХИНВАЛ, 5 фев – Sputnik, Хъуылымбегты Азӕмӕт. Транскавказаг автомагистралы хуссарирыстойнаг хайыл уары мит, фӕлӕ уымӕ ӕнӕкӕсгӕйӕ, фӕндаг кусы хуымӕтӕг режимы, фехъусын кодта Sputnik Уӕлвӕткон уавӕрты министрады (УУМ) радгӕсон Битеты Ацӕмӕз.

"Транскамы хуссайраг фарсыл уары мит. Фӕндагон службӕтӕ сыгъдӕг кӕнынц фӕндаг митӕй", - загъта Битеты Ацӕмӕз.

Уый ма бафтыдта, зӕгъгӕ, цӕгаттаг порталыл афтӕ стыр мит кӕй нӕ уары. Фӕндаг сӕхгӕныны тыххӕй нырма информаци нӕй, бафтыдтой радгӕсон хайады.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

5
Хуссар Иры театр ралæудзæн Мæскуыйы

Спектакльтӕ ӕмӕ сфӕлдыстадон изӕр: Хуссар Иры театр ралæудзæн Мæскуыйы

0
(ранӕуӕггонд 13:59 03.03.2021)
Сфæлдыстадон къорд Уæрæсейы столицæйы равдисдзæн дыууæ трагедийы æмæ ауадздзӕн уæрæсейаг коллегӕтимæ иумæйаг сфæлдыстадон изæр

ЦХИНВАЛ, 3 мар– Sputnik, Плиты Фатимæ. Мæскуыйы Яблочкины номыл актёры централон хӕдзар суазӕг кӕндзӕн Хуссар Ирыстоны паддзахадон драмон театры. Республикӕйы сфӕлдыстадон къорд уӕрӕсейаг столицӕйы равдисдзӕн спектакльтӕ "Антигона" ӕмӕ "Фандо и Лис", фехъусын кодта Sputnik ПДТ аивадон къухдариуӕггӕнӕг Дзудцаты Тамерлан.

Сфӕлдыстадон коллектив развӕлгъау райста хуынд "Дни осетинский культуры на Арбате"-мӕ.

"Яблочкины номыл актеры централон хӕдзар хоны Хуссар Ирыстоны паддзахадон драмон театры "Дни осетинской культуры на Арбате"-мӕ. Мах равдисдзыстӕм дыууӕ спектаклы, афтӕ ма нын ацӕудзӕн Мӕскуыйы театр ӕмӕ кинойы разагъта актертимӕ иумӕйаг сфӕлдыстадон изӕр. Мах цӕттӕ сӕм Уӕрӕсейы сӕйраг горӕты ралӕуынмӕ", - загъта Дзудцаты Тамерлан.

Йӕ ныхӕстӕм гӕсгӕ, сфӕлдыстадон коллективы ралӕуд Мӕскуыйы фӕахъаз уыдзӕн ирон культурӕйы парахатӕн Уӕрӕсейы.

Хетӕгкаты Къостайы номыл театры гастрольтӕ цӕудзысты Мӕскуыйы 5-8 апрелы.

0
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3