Хуссар Иры МХМ сӕргълӕууӕг ӕмӕ кусджытӕ сӕххӕст кодтой марш-бросоктӕ

Хуссар Иры МХМ сӕргълӕууӕг ӕмӕ кусджытӕ сӕххӕст кодтой марш-бросоктӕ

7
(ранӕуӕггонд 15:03 05.02.2021)
Марш-бросокты хайад исынц министрады дӕлхайӕдтӕ – нормативтӕм гӕсгӕ, марш-бросокы дистанци хъуамӕ ма уа фондз километрӕй къаддӕр

ЦХИНВАЛ, 5 фев - Sputnik. Хуссар Ирыстоны Мидхъуыддӕгты министрады (МХМ) дӕлхайӕдтӕ ӕххӕст кӕнынц ӕрвылазон марш-бросоктӕ, хъусын кӕны уагдоны пресс-службӕ. Сӕ хӕслӕвӕрдтӕ ныридӕгӕн сӕххӕст кодтой ӕнӕведомтсвӕйон хъахъхъӕнынады дӕлхайады, Цхинвалы, Ленингоры ӕмӕ Знауыры районты мидхъуыддӕгты хайӕдты кусджытӕ.

Барадхъахъхъӕнджытӕ ацыдысты 7-километрон маршрут иу сахатмӕ. Нормативтӕм гӕсгӕ, марш-бросокы дистанци хъуамӕ ма уа фондз километрӕй къаддӕр.

"Сӕ физикон цӕттӕдзинадӕй барадхъахъхъӕнджытӕ равдыстой, кӕй сты цӕттӕ оперативон-службӕйон хӕслӕвӕрдтӕ ӕххӕст кӕнынмӕ. Фӕлварӕнтӕм йӕ цӕст дардта мидхъуыддӕгты министры хӕстӕ ӕххӕстгӕнӕг Пухаты Мераб. Уый йӕхӕдӕг дӕр хайад райста цалдӕр марш-бросокы", - банысан кодтой пресс-службӕйы.

Алкӕцы марш-бросокы дӕр колоннӕимӕ цӕуынц МХМ медико-санитарон хайады кусджытӕ.

7
Хуссар Иры театр ралæудзæн Мæскуыйы

Спектакльтӕ ӕмӕ сфӕлдыстадон изӕр: Хуссар Иры театр ралæудзæн Мæскуыйы

0
(ранӕуӕггонд 13:59 03.03.2021)
Сфæлдыстадон къорд Уæрæсейы столицæйы равдисдзæн дыууæ трагедийы æмæ ауадздзӕн уæрæсейаг коллегӕтимæ иумæйаг сфæлдыстадон изæр

ЦХИНВАЛ, 3 мар– Sputnik, Плиты Фатимæ. Мæскуыйы Яблочкины номыл актёры централон хӕдзар суазӕг кӕндзӕн Хуссар Ирыстоны паддзахадон драмон театры. Республикӕйы сфӕлдыстадон къорд уӕрӕсейаг столицӕйы равдисдзӕн спектакльтӕ "Антигона" ӕмӕ "Фандо и Лис", фехъусын кодта Sputnik ПДТ аивадон къухдариуӕггӕнӕг Дзудцаты Тамерлан.

Сфӕлдыстадон коллектив развӕлгъау райста хуынд "Дни осетинский культуры на Арбате"-мӕ.

"Яблочкины номыл актеры централон хӕдзар хоны Хуссар Ирыстоны паддзахадон драмон театры "Дни осетинской культуры на Арбате"-мӕ. Мах равдисдзыстӕм дыууӕ спектаклы, афтӕ ма нын ацӕудзӕн Мӕскуыйы театр ӕмӕ кинойы разагъта актертимӕ иумӕйаг сфӕлдыстадон изӕр. Мах цӕттӕ сӕм Уӕрӕсейы сӕйраг горӕты ралӕуынмӕ", - загъта Дзудцаты Тамерлан.

Йӕ ныхӕстӕм гӕсгӕ, сфӕлдыстадон коллективы ралӕуд Мӕскуыйы фӕахъаз уыдзӕн ирон культурӕйы парахатӕн Уӕрӕсейы.

Хетӕгкаты Къостайы номыл театры гастрольтӕ цӕудзысты Мӕскуыйы 5-8 апрелы.

0
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3