Фонд Лӕвар базыртӕ ауагъта ӕххуысхъуаг бинонтӕн гуманитарон акци

Фонд "Лӕвар базыртӕ" ауагъта ӕххуысхъуаг бинонтӕн гуманитарон акци

234
(ранӕуӕггонд 11:08 08.02.2021)
Ӕнахъомты фӕдыл инспекцийы хъусдарды бын, цы бинонтӕ ис, уыдонӕн баххуыс кодтой хӕлцады продукцийӕ ӕмӕ сывӕллӕтты хӕринӕгтӕй

ЦХИНВАЛ, 5 фев – Sputnik, Плиты Фатимӕ. Мидхъуыддӕгты министрады горӕты ӕнахъомты фӕдыл инспекци Хуссар Ирыстоны президенты ӕххӕстбарджынимӕ сывӕллӕтты барты фӕдыл бабӕрӕг кодтой горӕты ӕххуысхъуаг бинонтӕй цалдӕры. Сӕ бацыды рӕстӕджы федтой царды уавӕртӕ ӕмӕ сын бахастой хӕлцадон ӕххуыс.

Инспекция по делам несовершеннолетних и полномочный при президенте по правам ребенка посетили неблагополучные семьи Цхинвала
Пресс-служба МВД РЮО
Фонд "Лӕвар базыртӕ" ауагъта ӕххуысхъуаг бинонтӕн гуманитарон акци

Столицӕйы ис ӕмткӕй 26 ахӕм бинонтӕ, кӕцытӕ цӕрынц тыхст уавӕрты ӕмӕ сты ӕнахъомты инспекцийы хъусдарды бын. Сӕ уавӕртӕ сын мониторинг кӕны сывӕллӕтты барты фӕдыл ӕххӕстбарджын минӕвар Цхуырбаты Татьяна.

"Мӕ куыст комкоммӕ баст у Гатайты Лалийы хайадимӕ. Уыдонимӕ иумӕ зонгӕ кӕнын сӕ хъусдарды бын цы бинонтӕ сты, уыдон царды уавӕртимӕ. Тыхст уавӕрты чи ис, ахӕм бинонтӕн фонд "Лӕвар базырты" хӕрдзтӕй самал кодтам хӕлцад, сӕ нымӕцы чысыл сабиты хӕринӕгтӕ", - загъта фонды хистӕр, президенты ӕххӕстбарджын сывӕллӕтты барты фӕдыл Цхуырбаты Татьянӕ.

Йӕ ныхӕстӕм гӕсгӕ, ӕнахъомты инспекцийы рейдты руаджы уый дӕр ӕнгом зонгӕ кӕны сывӕллӕтты царды уавӕртимӕ.

Инспекция по делам несовершеннолетних и полномочный при президенте по правам ребенка посетили неблагополучные семьи Цхинвала
Пресс-служба МВД РЮО
Фонд "Лӕвар базыртӕ" ауагъта ӕххуысхъуаг бинонтӕн гуманитарон акци
234
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15