Хуссар Иры арӕны цур федтой америкайаг ӕнӕпилотон хӕдтӕхӕг, хъусын кӕны республикӕйы ПӔК

Хуссар Иры арӕны цур федтой америкайаг ӕнӕпилотон хӕдтӕхӕг, хъусын кӕны республикӕйы ПӔК

7
Сӕрмагонд службӕйы ма сбӕрӕг кодтой, хуссарирыстойнаг хъӕу Уисты (Цънелис) цур фӕзындысты Гуырдзыстоны Хъахъхъӕнынады тыхты разысгарӕн департаменты ӕфсӕддонтӕ

ЦХИНВАЛ, 9 фев - Sputnik. Паддзахадон ӕдасдзинады комитеты (ПӔК) радзырдтой америкайаг ӕнӕпилотон тӕхӕг аппарат Global Hawk RQ-4B-ы тыххӕй, кӕцы уагъта уӕлдӕфон разысгӕрст Хуссар Ирыстон ӕмӕ Уӕрӕсейы хуссайраг арӕнты цур. Цаутӕ сбӕрӕг кодтой 14 ӕмӕ 21 январы, дзырдӕуы ПӔК пресс-службӕйы хъусинаджы.

"Ӕнӕпилотон тӕхӕг аппарат ратахт НАТО авиабазӕ "Сигонелла"-йӕ (Сицилия, Итали), рацыд хуссарирыстойнаг-гуырдзиаг ӕмӕ уӕрӕсейаг-гуырдзиаг паддзахадон арӕны хуссайраг фарсыл Шида-Картли, Мцхета-Мтианети ӕмӕ Кахетийы территориты сӕрмӕ", - банысан кодтой комитеты.

Афтӕ ма ПӔК фехъусын кодтой, Уисты хъӕуы районы кӕй фӕзындысты Гуырдзыстоны Хъахъхъӕнынады тыхты разысгарӕн департаменты ӕфсӕддонтӕ.

"Гуырдзиаг разысгарджытӕ, кӕцытӕ сты арӕнгӕрон зонӕйы, ӕххӕст кӕнынц сгарӕн мадзӕлттӕ, афтӕ ма кусынц Хуссар Ирыстоны территоримӕ рейдтыл, цӕмӕй аразой алыгъуызон диверситӕ", - дзырдӕуы уагоны хъусинаджы.

Уымӕй дарддӕр, ПӔК банысан кодтой гуырдзиаг ӕхсӕнадон ӕмӕ ӕнӕкоммерцион организациты архайд, кӕцытӕ мониторинг кӕнынц арӕнгӕрон зонӕ ӕмӕ раргом кӕнынц Тбилисы режимы агрессивон фӕндтӕ.

7
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

4
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

4
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2