Гӕджиты Гурам

Перспективон боксер Хуссар Ирӕй ногӕй архайдзӕн Уӕрӕсейы командӕйы сконды

8
(ранӕуӕггонд 13:22 09.02.2021)
Гӕджиты Гурамы фӕхуыдтой Уӕрӕсейы ӕвзӕнгты командӕйы скондмӕ 2019 азы бӕстӕйы фыццагады финалист куы ссис, уый фӕстӕ

ЦХИНВАЛ, 9 фев - Sputnik. Хуссар Ирыстоны ӕвзонг курдиатджын боксер Гӕджиты Гурам ногӕй хъахъхъӕндзӕн Уӕрӕсейы спортивон кад боксӕй ӕвзӕнгты командӕйы сконды. Уый тыххӕй хъусын кӕны республикӕйы спортивон скъолайы директоры хӕдивӕг Кокойты Ирбег.

Кокойты Ирбег куыд банысан кодта, афтӕмӕй, Гӕджиты Гурам 18 февралы онг хайад исдзӕн Уӕрӕсейы командӕйы рӕвдзыты, кӕцытӕ цӕуынц Ленинграды областы.

"Абон ацыдысты фыццаг тренировкӕтӕ. 18-йӕ 24-ӕм февралы онг та командӕйӕн ацӕудзысты матчон фембӕлдтӕ", - радзырдта Кокойты Ирбег.

Гӕджиты Гурам 2019 азы ссис Уӕрӕсейы фыццагады финалист, ӕвзарӕн этап рацыд "Юность России"-йы турниры уылты. Уый уыд Уӕрӕсейы командӕйы сконды фыццаг номырӕй, ахызт ӕвзарӕн этап Европӕйы чемпионатмӕ, фӕлӕ йын нӕ бантыст хайад райсын ерысты, уымӕн ӕмӕ цыдысты Гуырдзыстоны.

8
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

2
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

2
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2