Чилæхсаты Магрез

Александр Ивановы номыл сыгъзæрин майдан: Чилæхсаты Магрез райста бæрзонд хорзæх

25
(ранӕуӕггонд 13:19 09.02.2021)
Чилæхсаты Магрез райгуырд Дзауы районы Чеселты хъæуы. У Хуссар Ирыстон æмæ Уæрæсейы адæмон нывгæнæг, Станиславскийы номыл премийы лауреат

ЦХИНВАЛ, 9 фев— Sputnik, Плиты Фатимӕ. Хуссар Ирыстоны ӕмӕ Цӕгат Ирыстоны адӕмон нывгӕнӕг Чилӕхсаты Магрезӕн лӕвӕрд ӕрцыд "Александр Ивановы номыл сызгъӕрин майдан". Хорзӕх уый райста йӕ равдыст "Симфония в красках"-ы рӕстӕджы Дзӕуджыхъӕуы.

Хорзӕхтыл буцахуыр нывгæнæг банысан кодта, зæгъгæ, "майдан уӕлдай мӕ куыстыл ницы бандавдзӕн, фӕлӕ мын тынг ӕхсызгон у ацы майдан райсын".

"Александр Иванов у нывгӕнӕг, кӕцы сфӕлдыста зындгонд куыст "Явление Христа народу". Йӕ номыл майдан Уӕрӕсейы нывгӕнджыты цӕдис бакодта ӕрӕджы, лӕвӕрд цӕуы ӕрмӕст дыккаг хатт, фыццаг дзы схорзӕхджын кодтой академик Зураб Церетелийы", - загъта Sputnik Чилӕхсаты Магрез.

Адæмон нывгæнæджы равдыст цӕудзӕн Дзӕуджыхъӕуы 10 мартмӕ, экспозицийы ис 100 куысты бӕрц.

"Фӕстаг ӕхсӕз азы цы ныффыстон, уыдон рахастон равдыстмӕ. Хуынд райстон Цхинвалӕй дӕр ӕмӕ сӕрды нывӕндын ауадзын равдыст уым дæр", - бафтыдта уый.

Чилæхсаты Магрез райгуырд Дзауы районы Чеселты хъæуы. У Хуссар Ирыстон æмæ Уæрæсейы адæмон нывгæнæг, Станиславскийы номыл премийы лауреат.

Йæ куыстытæ фенæн ис Мæскуыйы, Санкт-Петербурджы, Дзæуджыхъæуы, Цхинвалы, Омскы, Киевы музейты, афтæ ма хицæн адæмы коллекциты Европæйы бирæ горæтты.

25
Хуссар Иры Дзауы районы скъоладзауты райстой Ногдзаутӕм

Хуссар Иры Дзауы районы скъоладзауты райстой Ногдзаутӕм

27
(ранӕуӕггонд 18:01 24.02.2021)
Цытджын церемони ацыд Фыдыбӕсты хъахъхъӕнӕджы боны цытӕн бӕрӕгбонон мадзӕлттӕ фӕлгӕтты

ЦХИНВАЛ, 24 фев – Sputnik, Плиты Фатимӕ. Хуссар Ирыстоны Дзауы районы банысан кодтой Фыдыбӕсты хъахъхъӕнӕджы бон скъоладзауты хайадистӕй. Мадзалы фӕлгӕтты ахуырдзауты райстой ногдзауты рӕнхъытӕм, уый тыххӕй Sputnik фехъусын кодтой районы администрацийы пресс-службӕйы.

Ахуырдзаутӕ кастысты ӕмдзӕвгӕтӕ ӕмӕ ӕххӕст кодтой хӕстон зарджытӕ.

"Хорз традици ссис ацы бон скъоладзауты ногдзауты рӕнхъытӕм райсын. Дзауы районы фӕндзӕм кълӕсты ахуырдзаутӕ бахордтой арт ӕмӕ бастой хъуырыл бӕттӕнтӕ", - загътой пресс-службӕйы.

Церемони ацыд Фыдыбӕсты хъахъхъӕнӕджы боны цытӕн мадзалы фӕлгӕтты.

"Сывӕллӕттӕ ӕрдзырдтой Ирыстоны хъайтарты тыххӕй, кӕцытӕ 1989-2008 азты хъахъхъӕдтой райгуырӕн бӕстӕ. Уыдонӕй кӕцыдӕртӕ фӕмардысты райгуырӕн бӕстӕйы сӕраппонд",- бафтыдтой пресс-службӕйы.

  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
1 / 2
Пресс-служба Дзауского района
Дзауы районы скъоладзауты райстой Ногдзаутӕм
27
Коронавирус

Санитарон уагдоны радзырдтой коронавирусы уавӕры тыххӕй Хуссар Иры

3
(ранӕуӕггонд 16:26 24.02.2021)
Санитарон уагдоны бӕрӕггӕнӕнтӕм гӕсгӕ, республикӕйы пандемийы рӕстӕджы сарӕзтӕуыд 18 мин иртӕстӕй фылдӕр коронавирусы фӕдыл, уыдонӕй 3025 радтой ӕвӕрццаг фӕстиуӕг

ЦХИНВАЛ, 24 фев – Sputnik, Хъуылымбегты Зӕлинӕ. Хуссар Ирыстоны ивгъуыд къуырийы кӕрон сбӕрӕг кодтой 17 ног рынчыны коронавирусӕй, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

Уый банысан кодта, фӕстаг тесттӕ кӕй сарӕзтой сабаты, улӕфт бонты рӕстӕджы та Югосетпотребнадзоры лабораторийы тесттӕ нӕ арӕзтой. Гаглойты Анна бафтыдта, зӕгъгӕ, ӕртыццӕджы, ногӕй райдыдтой аразын тесттӕ, сӕ фӕстиуджытӕ бӕрӕг уыдзысты цыппӕрӕмы райсоммӕ.

"Сабаты 115 тестӕй 17 радтой ӕвӕрццаг фӕстиуӕг", - фехъусын кодта уый.

Йӕ ныхӕстӕм гӕсгӕ, республикӕйы пандемийы рӕстӕджы сарӕзтӕуыд 18 мин иртӕстӕй фылдӕр коронавирусы фӕдыл, уыдонӕй 3025 радтой ӕвӕрццаг фӕстиуӕг. Медикты хъусдарды бын сты 888 адӕймаджы.

3
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3