Вейпты ӕндӕвдад: ӕнахъомты инспекци ӕмбӕлы Цхинвалы хистӕркъласонтимӕ

Вейпты ӕндӕвдад: ӕнахъомты инспекци ӕмбӕлы Цхинвалы хистӕркъласонтимӕ

67
(ранӕуӕггонд 13:53 09.02.2021)
Мадзӕлттӕ ӕххӕст цӕуынц ахуырады министрад ӕмӕ скъолаты дирекцитимӕ баныхасты фӕлгӕтты. Фыццаг фембӕлд уал ацыд горӕты фарастӕм скъолайы

ЦХИНВАЛ, 9 фев - Sputnik, Плиты Фатимӕ. Хуссар Иры Мидхъуыддӕгты министрады горӕты хайады ӕнӕхъомты инспекци уадзы фембӕлдтӕ Цхинвалы скъолаты хистӕр кълӕсты ахуырдзаутимӕ, цы ран сын ӕмбарын кӕнынц электрон тамакойы уӕззау ӕндӕвдад ӕнӕниздзинадыл.

Инспекция по делам несовершеннолетних городского отдела МВД проводит беседы со старшеклассниками о вреде вейпов
© Sputnik / Фатима Плиева
Вейпты ӕндӕвдад: ӕнахъомты инспекци ӕмбӕлы Цхинвалы хистӕркъласонтимӕ

Мадзӕлттӕ ӕххӕст цӕуынц ахуырады министрад ӕмӕ скъолаты дирекцитимӕ баныхасты фӕлгӕтты. Фыццаг фембӕлд уал ацыд горӕты фарастӕм скъолайы.

"Ныййарджытӕ, ахуыргӕнджытӕ ӕмӕ ахуырады министрадӕй нӕм бахатыдысты, тыхсынц электрон тамакойы тыххӕй. Хуссар Ирыстоны рӕзгӕ фӕлтӕртӕй ахсджиагдӕр ницы ис ӕмӕ мах нӕ хӕсыл банымадтам ауадзын ахӕм фембӕлдтӕ", - загъта Sputnik инспекцийы хистӕр, булкъон Гатайты Лали.

Уый скъоладзау фӕсивӕды раз йӕ раныхасы бахатыд, цӕмӕй сывӕллӕттӕ хъусой ныййарджытӕ ӕмӕ ахуыргӕнджыты фӕдзӕхстмӕ.

"Афтӕ ма аразут, цӕмӕй уӕ ныййарджытӕ мӕт кӕной. Уый хъуамӕ суа уӕ административон фӕткой. Вейптӕ хӕссынц стыр зиан ӕнӕниздзинадӕн", - бафтыдта уый.

Инспекция по делам несовершеннолетних городского отдела МВД проводит беседы со старшеклассниками о вреде вейпов
© Sputnik / Фатима Плиева
Вейпты ӕндӕвдад: ӕнахъомты инспекци ӕмбӕлы Цхинвалы хистӕркъласонтимӕ

Фембӕлды рӕстӕджы ма равдыстой вейпты ӕппӕрццӕг ӕндӕвдады фӕдыл киноныв. Скъоладзаутимӕ ныхасы хайад исы сывӕллӕтты барты фӕдыл президенты ӕххӕстбарджынын минӕвар Цхуырбаты Татьяна. Фарастӕм скъолайы фӕстӕ уыдон сӕ балц акодтой гимназ "Альбион"-ыл.

67
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2