Хуссар Иры ӕвзонг ленкгӕнджытӕ ӕнтыстджын архайд кӕнынц турниры Ессентукы

Хуссар Иры ӕвзонг ленкгӕнджытӕ ӕнтыстджын архайд кӕнынц турниры Ессентукы

12
(ранӕуӕггонд 14:08 10.02.2021)
Хуссар Ирыстоны ленкгӕнджытӕ ӕртыккаг аз хайад исынц ацы ерысты. Ацы аз нӕ республикӕйы кад хъахъхъӕнынц 12 спортсмены

ЦХИНВАЛ, 10 фев — Sputnik. Хуссарирыстойнаг ленкгӕнджытӕ рамбылдтой ӕртӕ майданы ерысты фыццаг бон Ессентукы, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Сгуыхт тренер Клюкины номыл турниры хуссарирыстойнаг командӕйы кад хъахъхъӕнынц 12 спортсмены. Хуссар Ирыстоны ленкгӕнджытӕ ӕртыккаг аз хайад исынц ацы ерысты.

Пловцы из Южной Осетии принимают участие в турнире в Ессентуках
Хуссар Иры ӕвзонг ленкгӕнджытӕ ӕнтыстджын архайд кӕнынц турниры Ессентукы
"Уӕгъдибар стилы 200 метры дистанцимӕ фыццаг бынат бацахста Уалыты Даяна, уыимӕ иумӕ ӕвзонг спортсменкӕ сфидар кодта турниры ног рекорд. Дыккаг сыгъзӕрин майдан нӕ командӕйӕн ӕрхаста Тасойты Арсен 50 метры дистанцийыл баттерфляй стилӕй. Афтӕ ма уый рамбылдта бронзӕйон майдан уӕгъдибар стилӕй 50 метры дистанцимӕ", - хъусын кӕны пресс-службӕ спортсменты тренер, Хуссар Ирыстоны Ленк кӕныны федерацийы президент Евгения Терлеевайы ныхӕстӕ.

Тренер банысан кодта, спортсментӕн разӕй кӕй ис нырма ерысты дыууӕ боны ӕмӕ баныфсӕвӕрдта, ленкгӕнджытӕ кӕй ӕрхӕсдзысты бирӕ майдантӕ.

Пловцы из Южной Осетии принимают участие в турнире в Ессентуках
Хуссар Иры ӕвзонг ленкгӕнджытӕ ӕнтыстджын архайд кӕнынц турниры Ессентукы
12
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2