Коронавирус Хуссар Иры

Хуссар Иры медиктӕн рахицӕн кодтой 6 милуан сомы декабры фиддонтӕн

10
(ранӕуӕггонд 09:14 11.02.2021)
Хуссар Ирыстоны медиктӕн фидддонтӕн фӕрӕзтӕ хицӕн цӕуынц президент ӕмӕ хицауады фӕстауӕрцон фондтӕй

ЦХИНВАЛ, 10 фев – Sputnik, Козаты Диана. Хуссар Ирыстоны хицауады фӕстауӕрцон фондӕй рахицӕн кодтой ӕхсӕз милуан соммӕ ӕввахс медиктӕн фиддонтӕн коронавирусы ныхмӕ тохы тыххӕй.

Фӕрӕзтӕ рахицӕн кӕныны фӕдыл барамынд рахастой хицауады рабадтыл ӕртыццӕджы.

Финансты министрадӕн бахӕс кодтой рахицӕн кӕнын хицауады фӕстауӕрцон фондӕй 5,8 милуан сомы ӕнӕниздзинад хъахъхъӕнынады министрадӕн, цӕмӕй бафидой фиддонтӕ медицинон кусджытӕн фарон декабры коронавирусы ныхмӕ тохы тыххӕй.

Фарон ноябры хицауад рахицӕн кодтой ӕнӕниздзинад хъахъхъӕнынады министрадӕн 50 милуан сомы коронавирусы апарахат ма ‘руадзыны фӕдыл мадзӕлттӕ сӕххӕст кӕнынӕн. Ӕхцаты иу хай – 8,4 милуан сомы ацыдысты медицинон ӕмӕ ӕндӕр кусджытӕн фиддонтӕн, 34,5 милуан сомы та – хостӕ ӕмӕ ифтонггарз балхӕнынӕн.

Коронавирусы ныхмӕ тохы фӕлгӕтты ма президенты барамындӕй ӕнӕниздзинад хъахъхъӕнынады министрадӕн рахицӕн кодтой 10 милуан сомы ифтонггарз балхӕнын ӕмӕ туаггуыры хызӕгтӕ ауадзынӕн.

10
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15