Хуссар Иры хицауад финансон ӕххуыс бакӕндзӕн Хъорнисы цӕрӕгӕн йӕ хӕдзары басыгъды фӕдыл
(ранӕуӕггонд 11:21 11.02.2021)
Республикӕйы ӕмбӕстагӕн, кӕцыйӕн йӕ хӕдзар басыгъд 2020 азы декабры, финансон ӕххуыс бакӕныны фӕдыл скъуыддзаг рахастой хицауады рабадтылЦХИНВАЛ, 10 фев – Sputnik, Козаты Диана. Хицауады фӕстауӕрцон фондӕй рахицӕн кодтой фӕрӕзтӕ, цӕмӕй финансон ӕххуыс бакӕной Знауыры районы Хъорнисы хъӕуы цӕрӕг Тасойты Иналӕн.
Хъӕуы цӕрӕджы хӕдзар басыгъд зынгсирвӕзты фӕстиуӕгӕн фарон декабры.
Тасойты Иналӕн финансон ӕххуыс бакӕныны фӕдыл скъуыддзаг рахастой хицауады рабадтыл. Уый райсдзӕн сӕдӕ мин сомы.
Амӕйразмӕ президент Бибылты Анатолий бахӕс кодта финансон ӕххуыс бакӕнын Гӕззаты бинонтӕн, кӕцыты хӕдзар Хуыцъейы хъӕуы басыгъд февралы райдайӕны.
Хуссар Иры МСНК сбӕрӕг кодтой иууыл тыхджындӕр кусджыты
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.
©
Пресс-служба президента РЮО
Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.
"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.
Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.
Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.
Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид КюрдзидзисЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.
Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.
"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".
Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.