Джусойты Нафийы хæдзар

Джусойты Нафийы ном сæнусон кæндзысты Дæуджыхъæуы

41
(ранӕуӕггонд 14:35 10.02.2021)
Ӕхсæнадон архайæг Челæхсаты Хъазбеджы ныхæстæм гæсгæ, Нафийӕн цырт хъæуы сæвæрын йæ райгуырæн хъæуы

ЦХИНВАЛ, 10 фев – Sputnik, Плиты Фатимæ. Зынгæ ирон фыссæг æмæ ахуыргонд Джусойты Нафийы ном лæвæрд æрцæудзæн Дзæуджыхъæуы уынгтæй иуæн, ацы фарстыл уынаффæ цыд Цæгат Ирыстоны фысджыты цæдисы рабадтыл.

Цалдæр азы размæ Цхинвалы Мæскуыйаг микрорайоны уынгтæй иуæн радтой номдзыд ахуыргонды ном.

2015 азы хӕрзаудӕн фонд "Амонд" бакодта Джусойты Нафийы номыл æрвылазон аив литературон конкурс. Фонды разамонæг Челæхсаты Хъазбеджы ныхæстæм гæсгæ, Нафийӕн Цӕгат Ирыстоны сӕйраг горӕты уынг кӕй дӕттынц, уый хорз хабар у, фӕлӕ ма йын йын йӕ ном сӕнусон кӕнын хъӕуы Хуссар Ирыстоны дӕр.

"Хетӕгкаты Къостайы фӕстӕ махмӕ Нафийæ стырдӕр гоймаг нӕй. Ӕгӕр стӕм Иры хуыздӕр поэттӕй иу Плиты Грис дзы кӕд хистӕр уыд, уӕддӕр ӕй йӕ ахуыргӕнӕг хуыдта. Хъӕуы йын йӕ райгуырӕн хъӕуы сӕвӕрын цырт, хицауады науӕд та фонды хӕрдзтӕй. Стӕй уый стыр ахуыргонд уыд ӕмӕ хъуамӕ ахуырадон уагдонӕн йӕ ном радтой", - загъта Челæхсаты Хъазбег.

Уый ма бафиппайдта, кæд Цхинвалы уынгтæй иу хæссы Нафийы ном, уæддæр уый горæты кæрон кæй ис, уый раппæлинаг нæу.

"Джусойты Нафи ӕмӕ Хъуылымбегы Торез уыцы адӕм нӕ уыдысты, цӕмӕй сын фӕсфӕдты радтой уынгтӕ", - радзырдта Челӕхсаты Хъазбег

Джуссойты Нафи йæ цардæй ахицæн 92 азы кары. Номдзыд ахуыргонд йе ʻнусон бынат ссардта Ирыстоны кадджын адæмы пантеоны.

Нафи бахаста егъау хайбавæрд Хуссар Ирыстоны хæдбардзинады рæзтмæ, цалдæр хатт æвзæрст æрцыд республикæйы закондæттæн органы депутатæй. Хæрзæхджын у "Кады нысан"-ы орденæй. У Хетæгкаты Къостайы премийы лауреат.

41
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3