АнсамбльСимд ратдзӕн Цхинвалы фыццаг концерттӕ реорганизаци фӕстӕ

Ансамбль"Симд" ратдзӕн Цхинвалы фыццаг концерттӕ реорганизацийы фӕстӕ

59
(ранӕуӕггонд 09:09 11.02.2021)
Ансамбль реорганизацийы фӕстӕ фыццаг хатт дӕтты концерт, кӕсӕг фендзӕн ног цӕсгӕмттӕ, ног нывӕзт ӕмӕ дӕсны архайд сценӕйыл

ЦХИНВАЛ, 10 фев – Sputnik, Плиты Фатимӕ. Галаты Борисы номыл Хуссар Ирыстон паддзахадон ансамбль "Симд" реорганизацийы фӕстӕ ратдзӕн йӕ фыццаг концерт 18 ӕмӕ 19 февралы, фехъусын кодта Sputnik ансамблы директор Гаглойты Кристина.

Коллективӕн уый суыдзӕн йӕ  фыццаг гом ралӕуд 2019 азы августӕй фӕстӕмӕ.

"Ног нывӕзты хӕссӕм сценӕмӕ националон хореографийы номыртӕй дарддӕр Кавказы адӕмты кафтытӕ, кӕцытӕ никуы уыдысты нӕ репертуары. Ног номыртӕ уыдзӕн хор ӕмӕ оркестрӕн дӕр. Ансамблы ралӕудты фидыцтӕй иу суыдзӕн театралон равдыст "осетинская легенда", - загъта Гаглойты Кристина.

Йӕ ныхӕстӕм гӕсгӕ, концерт ацӕудзӕн санитарон службӕты рекомендацитӕ ӕххстгӕнгӕйӕ.

"Ансамбль реорганизацийы фӕстӕ фыццаг хатт дӕтты концерт, ног сконд ӕрмӕст ивгъуыд азы кӕрон культурӕйы министрады коллегийӕн радта хыгъдон концерт. Кафджыты скондӕн раивтой йӕ 80%онг, кӕсӕг фендзӕн ног цӕсгӕмттӕ ӕмӕ дӕсны архайд сценӕйыл",- бафтыдта уый.

Директор ма бафтыдта, бынӕттон концертты фӕстӕ та фӕнд кӕнынц гастролтӕ Цӕгат Кавказы ӕмӕ Уӕрӕсейы регионты.

"Куыддӕр уавӕр фӕхуыздӕр уа, афтӕ райдайдзыстӕм гастролтӕ - ис нӕм хуындтӕ", - балхынцъ кодта уый.

59
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2