Хуссар Иры сырх зонæ-йы волонтерты арвыстой улæфынмæ Хъырыммæ

Хуссар Иры "сырх зонæ"-йы волонтерты арвыстой улæфынмæ Хъырыммæ

348
(ранӕуӕггонд 16:38 11.02.2021)
Къорды сконды сты Хуссар Ирыстоны коронавирусы инфекци уӕрӕхӕй куы апарахат ис ивгъуыд азы кӕрон, уӕд рынчындоны "сырх зонӕ"- мӕ ӕххусымӕ чи бацыд, уыдон

ЦХИНВАЛ, 11 фев – Sputnik, Плиты Фатимæ. Хуссар Ирыстоны минӕвӕртты иу къорд, кæцытæ волонтертæй архайдтой "сырх зонæ"-йы, арвыстой Хъырымы санатори "Северное сияние"- мӕ сӕ ӕнӕниздзинад фидар кӕнынмӕ. Балц арӕзт ӕрцыд президент Бибылты Анатолийы хыгъды хӕрдзтӕй.

Къорды сконды сты Хуссар Ирыстоны коронавирусы инфекци уӕрӕхӕй куы апарахат ис ивгъуыд азы кӕрон, уӕд рынчындоны "сырх зонӕ"- мӕ ӕххусмӕ чи бацыд, уыдон.

Фыццаг къорд фараст адӕймаджы скондӕй Хъырымы горӕт Сакейы баулæфдзæн 20 февральмӕ, стӕй сӕ раивдзӕн дыккаг фӕлтӕр.

"Фарон фӕззӕджы Хуссар Ирыстоны рынчындӕтты уӕззау уавӕр куы сӕвзӕрд коронавирусы апарахаты фӕстӕ, уӕд бирӕ фӕсивӕд бацыд ӕххуысмӕ медиктӕм. Мах дӕр уыдыстӕм сӕ нымӕцы. Уӕд ӕндӕр гӕнӕн нӕ уыд ӕмӕ йӕ нымадтам нӕ хӕсыл. Алчидӕр дзы мӕййӕ къаддӕр нӕ бакуыста, уазал, уӕззау уавӕр ӕмӕ тасы цыд нӕ куыст, нӕ цуры æрцыд зиӕнттӕ, бирӕтӕ сӕхӕдӕг дӕр фӕрынчын сты. Тынг ӕхсызгон нын у нӕ архайд ӕнӕхъусдард кӕй нӕ ныууагътой",- загъта волонтертӕй иу Гӕбӕраты Алан.

Уый ма бафтыдта, санаторийы уавӕртӕй сты тынг райгонд.

"Ӕнӕниздзинад фидар кӕнынӕн у хорз бынат. Ис дзы цъыфӕй ваннӕтӕ, гидромассаж ӕмӕ хорз аходӕнтӕ. Бузныг баззадыстӕм президентӕй, кӕй нын сарӕзта ахӕм фадат. Сырх зонӕйы пациенттӕй бирӕтӕн уыд сӕ бон ахæм балц саразын, фӕлӕ куы фӕфидар сты, уӕд сӕ лӕггад дӕр байрох", - бафтыдта уый.

Санатори "Северное сияние" æвæрд у  диссаджы бынаты - сау денджызы был, йæ фарсмæ ис цад Саки.

348
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2