Хуссар Иры ленкгӕнджытӕ рамбылдтой дыууӕ сыгъзӕрин майданы ерысты дыккаг бон Ессентукы

Хуссар Иры ленкгӕнджытӕ рамбылдтой дыууӕ сыгъзӕрин майданы ерысты дыккаг бон Ессентукы

7
(ранӕуӕггонд 14:37 11.02.2021)
Ессентукы турниры дыууӕ бонмӕ Цхинвалы ленк кӕныны секциты хъомылгӕнинӕгтӕ рамбылдтой цыппар сыгъзӕрин ӕмӕ иу бронзӕйон майдан

ЦХИНВАЛ, 11 фев — Sputnik. Сгуыхт тренер Клюкины номыл турниры дыккаг бон хуссарирыстойнаг ленкгӕнджытӕ рамбылдтой ноджы дыууӕ сыгъзӕрин майданы, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Бон раздӕр Ессентукы турниры Хуссар Ирыстоны ленкгӕнджытӕ рамбылдтой дыууӕ сыгъзӕрин ӕмӕ иу бронзӕйон майдан. Афтӕмӕй, турниры дыууӕ бонмӕ Цхинвалы ленк кӕныны секциты хъомылгӕнинӕгтӕ рамбылдтой цыппар сыгъзӕрин ӕмӕ иу бронзӕйон майданы.

"Баттерфляй стилӕй 50 метры дистанцийыл ногӕй расгуыхт Уалыты Даяна – уый сфидар кодта турниры рекорд. Дыккаг сыгъзӕрин майдан Уалыты Даяна рамбылдта 50 метры дистанцийыл фӕсонтыл ленкгӕнгӕйӕ", - хъусын кӕны пресс-службӕ тренер, Хуссар Ирыстоны Ленк кӕныны федерацийы президент Евгения Терлеевайы ныхӕстӕ.

Уый бафтыдта, 200 метры дистанцийыл цыппӕрӕм бынатыл ацыд ерысты ивгъуыд боны бронзӕйон призер Тасойты Арсен.

Турниры хуссарирыстойнаг командӕйы кад хъахъхъӕнынц 12 спортсмены. Хуссар Ирыстоны ленкгӕнджытӕ ӕртыккаг аз хайад исынц ацы ерысты.

7
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2