Хуссар Иры хъӕутӕй сӕ иуы ссардтой минӕтӕ

Хуссар Иры хъӕутӕй сӕ иуы ссардтой минӕтӕ. Уыдон скуынӕг кодтой бынаты МХМ

3
(ранӕуӕггонд 14:16 11.02.2021)
Минометы дыууӕ нӕмыджы ссардтой Присы хъӕуы. Барадхъахъхъӕнӕг уагдоны ӕнхъӕлынц, уыдон кӕй баззадысты 2008 азы августы хӕсты фӕстӕ

ЦХИНВАЛ, 11 фев — Sputnik. Милицийы сӕрмагонд нысаниуӕджы къорд (МСНК) ӕмӕ Уӕлвӕткон уавӕрты министрады (УУМ) сапертӕ скуынӕг кодтой минӕтӕ, кӕцытӕ ссардтой Хуссар Ирыстоны Цхинвалы районы, хъусын кӕны Мидхъуыддӕгты министрады (МХМ) пресс-службӕ.

Рӕмудзӕн ӕрмӕджытӕ ссардтой Присы хъӕуы цур.

"Цауы бынатмӕ ацыдысты МХМ фӕдагуырды-оперативон къорд ӕмӕ МСНК ӕмӕ УУМ саперон къордтӕ. Уыдон ссардтой минометы дыууӕ нӕмыджы, кӕцытӕ, ӕвӕцццӕгӕн, баззадысты 2008 азы хӕсты фӕстӕ", - банысан кодтой пресс-службӕйы.

Уагдоны бафтыдтой, саперон къордтӕ минӕтӕ кӕй скуынӕг кодтой бынаты.

3
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3