Проектор

Ахуырады министрад балхæдта сӕрмагонд техникӕ Цхинвалы сабидæттæй иуæн

32
(ранӕуӕггонд 14:52 15.02.2021)
Республикæйы сæйраг горæты дыккӕгæм сабидоны зал цӕуы цалцӕг, æмæ уый фӕстӕ сывӕллӕттæн фӕзындзӕн фадат бӕрӕгбонон мадзӕлттӕ хуыздӕр ӕрвитынæн

ЦХИНВАЛ, 15 фев— Sputnik, Плиты Фатимӕ. Хуссар Ирыстоны ахуырады министрад самал кодта Цхинвалы сабидӕттӕй иуӕн проектон ӕмӕ акустикон системӕйы ӕххӕст комплект. Ног ифтонгады хицау бацис сабидон "Золотой ключик", уый тыххӕй Sputnik фехъусын кодта министрады кусӕг Тедеты Алена.

Уымӕй размӕ ма министрад самал кодта ифтонгад Сывӕллӕтты сфӕлыстадон галуан ӕмӕ Аивӕдты лицейӕн.

"Ног ифтонгады комплекты ис проектор экранимӕ ӕмӕ ноутбукимӕ, акустикон колонкæтӕ, ӕнӕхӕтӕлон микрофонтӕ ӕмӕ микшерон пульт", - загъта уый.

Министрады минæвары ныхӕстӕм гӕсгӕ, ныридӕгӕн сабидоны цӕуынц цалцӕггӕнӕн куыстытӕ.

"Республикæйы сæйраг горæты дыккӕгæм сабидоны зал цӕуы цалцӕг, æмæ уый фӕстӕ сывӕллӕттæн фӕзындзӕн фадат бӕрӕгбонон мадзӕлттӕ хуыздӕр ӕрвитынæн", - бафтыдта уый.

Дыккӕгӕм сабидон "Золотой ключик" ис Цхинвалы Джиоты Аланы проспектыл.

32
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

0
(ранӕуӕггонд 14:23 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат  "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зарамаг — Цæгаттаг портал— Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

0
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5