Сталины уынг

Нӕ радта фӕндаг: дыууӕ фӕсарӕйнаг хӕдтулгӕ сӕмбӕлдысты кӕрӕдзийыл Цхинвалы алвӕндагыл

6
(ранӕуӕггонд 11:24 15.02.2021)
Хӕдтулгӕ BMW шофыр хуыцаубоны фехӕлдта фӕндагон змӕлды фӕтк ӕмӕ сӕмбӕлд Toyota Mark X маркӕ машинӕйыл. Уый уыд иунӕг ФТЦ ивгъуыд къуырийы

ЦХИНВАЛ, 15 фев – Sputnik, Хъуылымбегты Азӕмӕт. Хуссар Ирыстоны столицӕйы хуыцаубоны ӕхсӕвы ӕрцыд фӕндагон-транспортон цау дыууӕ хӕдтулгӕйы хайадистӕй, фехъусын кодтой Sputnik МХМ пресс-службӕйы.

"Хӕдтулгӕ BMW шофыр, Абайты Уасойы уынгыл Сталины уынджы рдӕм фӕцӕйцӕугӕйӕ, фехӕлдта фӕндагон змӕлды фӕтк, нӕ радта фӕндаг ӕмӕ сӕмбӕлд Toyota Mark X маркӕ машинӕйыл", - радзырдтой пресс-службӕйы.

Уагдоны ма бафтыдтой, фӕндагон-транспортон цауы рӕстӕджы зианбаййафджытӕ кӕй нӕй.

Уый уыд иунӕг ФТЦ ивгъуыд къуырийы Цхинвалы, банысын кодтой Мидхъуыддӕгты министрады.

6
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15