Хуссар Иры гемодиализы хайад

Сæ бон нæу æрцæуын: Хуссар Иры гемодиализы ифтонгад сараздзысты хуынд специалисттæ

112
(ранӕуӕггонд 10:43 16.02.2021)
Гемодиализ ӕнӕмӕнгхъӕуӕг у республикӕйы 16 адӕймагӕн, уыдон ифтонгады хæлды рæстæджы цæуынц Цæгат Ирыстоны медуагдæттæм

ЦХИНВАЛ, 16 фев— Sputnik, Плиты Фатимӕ. Хуссар Ирыстоны республикон бирӕпрофилон медицинон центры гемодиализы хайадæн самал кодтой фæсарæнты ифтонгад. Йе сцалцæг кæнын фæфæстиад ис Транскамы сæхгæныны аххосæй, фехъусын кодта Sputnik гемодиализы хайады хистæр Джиоты Мадина.

Гемодиализ ӕнӕмӕнгхъӕуӕг у республикӕйы 16 адӕймагӕн, уыдон ифтонгады хæлды рæстæджы цæуынц Цæгат Ирыстоны медуагдæттæм.

"Ифтонгады ивинаг хай Германы æрцыд заказ, хуыцаубоны æрхæццæ ис Ростовы онг. Къуырисæр райсом инженертæ ифтонгадимæ хъуамæ æрцыдаиккой Цхинвалмæ, фæлæ Транскам cæхгæдтой митуард æмæ зæйты æрцæуыны тасæй. Куыддæр фæндаг бакæной афтæ специалисттæн фадат фæуыдзæн æрцæуын æмæ сцалцæг кæнын нæ ифтонгад", - загъта Джиоты Мадина.

Уый ма бафтыдта, сæ пациенттæ ныртæккæ кæй сты Дзæуджыхъæуы.

"Уыдон диализ исынц Цæгат Ирыстоны æртæ центры – дыууæ дзы ис Дзæуджыхъæуы æмæ иу та районы", - бафтыдта медик.

Цӕгат Иры гемодиализы центримӕ раздæр фидар ӕрцыд бадзырд, цӕмӕй уӕлвӕткон уавӕрты исой рынчынты Цхинвалӕй.

112
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15