Коронавирус

Хуссар Иры иу суткæмæ рабæрæг ис 12 ног рынчыны коронавирусæй

4
(ранӕуӕггонд 15:24 16.02.2021)
"Югосетпотребнадзор"-ы бæрæггæнæнтæм гæсгæ, пандемийы райдианæй Хуссар Ирыстоны рабæрæг ис 2975 рынчыны COVID-19-æй

ЦХИНВАЛ, 16 фев – Sputnik, Хъуылымбегты Зæлинæ. Ивгъуыд суткæйы Хуссар Ирыстоны цы 96 иртæсты ауагътой, уыдонæй 12 равдыстой коронавирусы уæвынад, фехъусын кодта Sputnik "Югосетпотребнадзор"-ы хистӕры хӕдивӕг Гаглойты Анна.

"Дыццæджы райсоммæ рабæрæг ис коронавирусæй 12 фæрынчыны цауы", - загъта уый.

Медицинон хыгъдӕй, йæ ныхæстæм гæсгæ, систой фондз адӕймаджы, æдæппæт сæнæнизуæвджыты нымæц та у 2105. Дохтырты хъусдарды бын нырма сты 870 адӕймаджы.

Гаглойты Анна ма банысан кодта, Хуссар Ирыстоны пандемийы райдианӕй ӕдӕппӕт кæй сарӕзтой 17 458 иртӕстӕй фылдӕр коронавирусы фӕдыл, уыдонӕй 2 975 равдыстой ӕвӕрццаг фӕстиуӕг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

4
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

2
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

2
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5