Транскам

Цхинвалимæ бастдзинад нæ аскъуыд: Къуаисайы мэр митуарды тыххæй

6
(ранӕуӕггонд 14:35 17.02.2021)
Цæмæй цæрджытæ митуарды амынæты ма бахауой, уый тыххæй Къуаисайы дæр æмæ столицæмæ фæндаг дæр сыгъдæг кæнынц грейдерæй, фехъусын кодта бынæттон администрацийы сæргълæууæг

ЦХИНВАЛ, 17 фев – Sputnik, Хъуылымбегты Азæмæт. Хуссар Ирыстоны Къуыдаргомы фæстаг суткæйы ныууарыд 15 сантиметры онг мит, фæлæ уый нæ бахъыгдардта фæндагон бастдзинад столицæимæ, фехъусын кодта Sputnik Къуаисайы мэр Бæззаты Геннадий.

Хуыцаубоны митуарды аххосæй æхгæд æрцыд Транскавказаг автомагистраль. Цалдæр бон фæстæдæр мит æрхæццæ ис Цхинвал, Къуаиса æмæ æндæр цæрæн пункттæм дæр.

"Цхинвалимæ бастдзинад ис. Фæндагон службæтæ асыгъдæг кодтой трассæ Цхинвал-Къуаиса.. Ныртæккæ та грейдер хафы горæты уынгтæ. Электроифтонгадимæ дæр нæм ницы проблемæтæ фæзынд, уавæр нæм у нывыл", - загъта Бæззаты Геннадий.

Уый ма ныфс бавæрдта, зæгъгæ кæд æввахс бонты дæн прогнозтæ митуард æвдисынц, уæддæр уый ницы зындзинæдтæ æрхæсдзæн къуыдаргомы цæрджыты æрвылбонон царды - фаг сæм ис техникон ресурс фæндæгтæ сыгъдæг кæнынæн.

6
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5