Цхинвалы дарддæр дзурынц электронон тамакойы æппæрццаг æндæвдадыл

Цхинвалы дарддæр дзурынц электронон тамакойы æппæрццаг æндæвдадыл

9
Мадзӕлттӕ ӕххӕст цӕуынц ахуырады министрад ӕмӕ скъолаты дирекцитимӕ баныхасты фӕлгӕтты

ЦХИНВАЛ, 17 фев - Sputnik. Паддзахадон автоинспекцийы æмæ æнахъомты фæдыл инспекцийы кусджытæ радзырдтой гимнази "Рухс" ахуырдзаутæн электронон тамакойы æппæрццаг æндæвдад æмæ фæндагон змæлды фæткыл.

Ӕнахъомты фæдыл инспектор радзырдта, вейпты æнæзианыл нымайын раст нæу.

"Электронон тамако гæнæн ис мæ расайа уæззау проблематæ. Инспектор банысан кодта алкæцы къахдзæф дæр хъæуы кæнын хъавгæ, цæмæй ма фехалай дæ фидæн", -дзырдæуы МХМ-йы пресс-службæйы.

ПАИ-йы агитацийы фæдыл инспектор радзырдта ахуырдзаутæн фистæгæй цæуджыты хæсты тыххæй. Сывæллæттæн сæ зæрдыл æрлæууын кодтой, хæдтулгæ скъæрыны бар ис æрмæст 18 азы карæй, æнæ бартæй скъæрыны тыххæй та ивар цæудзысты.

"Ӕфхæрд цæудзысты ныййарджытæ дæр, кæцытæ хæдтулгæ раттынц æнахъомтæм", - бафтыдтой уым.

Уымæй дарддæр ма æмбарынгæнæн ныхас цыд Ленингоры районы скъоладзаутимæ дæр.

9
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

2
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

2
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2