Зынгсирвӕзт Цхинвалы

Цхинвалы зынгсирвӕзты бинонты фервӕзынгӕнӕг милиционер радзырдта бӕллӕхы тыххӕй

11
(ранӕуӕггонд 12:00 18.02.2021)
Хуссар Ирыстоны столицӕйы ӕртыццӕджы басыгъд фатер бирӕуӕладзыгон хӕдзары. Цауы рӕстӕджы уым уыдысты нӕлгоймаг ӕмӕ йӕ хъӕбулы хъӕбултӕ ӕртӕйӕ

ЦХИНВАЛ, 18 фев - Sputnik. Цхинвалы мидхъуыддӕгты министрады хайады радзырдтой, ӕртыццӕджы столицӕйы бирӕуӕладзыгон хӕдзӕрттӕй иуы цы зынгсирвӕзт ӕрцыд, уый лыстӕг хӕйтты тыххӕй.

Сотрудник милиции спас четырех человек во время пожара в столице республики
Тедеты Сослан ӕмӕ Коцты Азӕмӕт

МХМ пресс-службӕ куыд хъусын кӕны, афтӕмӕй ӕнамонд хабары тыххӕй хъусинаг радгӕсон хайадмӕ бацыд 17 февралы райсом цыппар сахатмӕ ӕввахс. Фадыгон милиционер Тедеты Сослан йӕ коллегӕтимӕ ӕвӕстиатӕй атындзыдтой цауы бынатмӕ ӕмӕ ӕххуыс кодтой УУМ зингфӕдисонтӕн.

"Хӕдзары бахизӕны уыд тынг фӕздӕг, зынгхуыссынгӕнджытӕ тох кодтой зынгимӕ ӕмӕ архайдтой, цӕмӕй арт ма ахиза иннӕ фатертӕм. Мемӕ уыд ме 'мкусӕг Коцты Азӕмӕт, фӕлӕ мын цыдӕр рӕстӕджы айсӕфт", - дзуры Тедеты Сослан.

Фӕстӕдӕр рабӕрӕг, Коцты Азӕмӕт кӕй азгъорста бирӕуӕладзыгон хӕдзары иннӕ бахизӕнмӕ, цӕмӕй сыхӕгты уылты бахиза судзгӕ фатермӕ, цы ран уыдысты ӕртӕ ӕнахъом лӕппуйы сӕ дадаимӕ.

"Дуар бахостон ӕмӕ мӕм ракаст ацӕргӕ сылгоймаг. Бахатыдтӕн ӕм, цӕмӕй мӕ бауадза. Уыцы рӕстӕджы судзгӕ фатерӕй лӕг дӕр ӕртӕ сывӕллонимӕ балконмӕ ралыгъдысты - фатеры гуылфӕн кодта арт. Баххуыс сын кодтон сыхаджы балконмӕ рахизынӕй, стӕй сӕ акодтон ӕдас бынатмӕ. Мӕ бынаты алчидӕр афтӕ бакодтаид", - радзырдта Коцты Азӕмӕт.

Зынгфӕдисонтӕ ахуыссын кодтой арт, фӕлӕ фатер уӕдмӕ цъыбыртты сыгъд бацис. Ныртӕккӕ бӕлвырд цӕуынц ӕнамонд цауы аххосӕгтӕ.

11
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

3
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

3
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10