РБМЦ

Цхинвалы Сывæллæтты рынчындоны сæхгæндзысты "сырх зонæ"

40
(ранӕуӕггонд 14:51 18.02.2021)
Ацы къуырийы кӕронмӕ медкластеры сывӕллӕтты рынчындон расӕрибар кӕндзысты коронавирусы зонӕйӕ

ЦХИНВАЛ, 18 фев – Sputnik, Плиты Фатимӕ. Хуссар Ирыстоны республикон бирӕпрофилон медицинон центрты сывӕллӕтты рынчындон ссӕрибар кӕндзысты коронавирусӕй рынчынтӕй. Ныридӕгӕн ма уым хос кӕнынц цыппар пациенты, уый тыххӕй фехъусын кодта Sputnik сӕйраг дохтыр Быценты Индира.

"Коронавирусӕй рынчынтӕй стационарон уавӕрты ныртæккæ хос кӕнынц 21 адӕймаджы, уыдонӕй цыппар ис сывӕллӕтты рынчындоны, 17 та - инфекцион хайады", - загъта уый.

Сæйраг дохтыры ныхӕстӕм гӕсгӕ, уыдон фӕнд кӕнынц саразын иу "сырх зонӕ" инфекцион рынчындоны.

"Сабаты онг мах ссӕрибар кӕндзыстӕм сывӕллӕтты рынчындон коронавирусы зонӕйӕ. Уыдон адарддӕр кӕндзысты хос кӕнын æндæр медуагдӕтты", - загъта Быценты Индира.

Уый ма бафтыдта, медикаменттӕй кæй сты ӕххӕст ӕмӕ туаггуыр та ис дыууӕ къуырийы фаг.

Быценты Индира ма фехъусын кодта, Хуссар Ирыстоны кæй сбӕлвырд кодтой коронавирусæй фæлхаттон фæрынчыны фыццаг цау.

"Курсант, кӕцы ивгъуыд азы уыд рынчын æмæ рацыд карантин, дыккаг хатт фӕрынчын ис", - балхынцъ кодта уый.

Хуссары Ирыстоны ивгъуыд азы кӕрон коронавирусӕй рынчынтӕ куы сбирӕ сты, уӕд республикон бирӕпрофилон медицинон центры сывӕллӕтты рынчындон рацарӕзтой "сырх зонӕмӕ".

40
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 15:39 29.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзылы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10
Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

7
(ранӕуӕггонд 15:34 29.07.2021)
Паддзахады сӕргълӕууӕг банысан кодта, театр кӕй рацыд бирӕ зын фӕндӕгтыл, фӕлӕ коллектив сфӕрӕзта уӕззау рӕстӕджытӕ ӕмӕ абон ӕнкъары кӕсӕджы стыр уарзондзинад

ЦХИНВАЛ, 29 июл – Sputnik, Тъехты Дзерассӕ. Хуссарирыстойнаг театры ныры коллективӕн ис алы уавӕртӕ дӕрбирӕ алыгъуызон спектакльтӕ ӕвӕрынӕн, банысан кодта республикӕйы президент Бибылты Анатолий йӕ арфӕйы Хетӕгкаты Къостайы номыл Паддзахалон драмон театры сырӕзты 90-азон юбилейы фӕдыл.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

Бӕстӕйы сӕргълӕууӕг куыд банысан кодта, афтӕмӕй театр рацыд бирӕ зын фӕндӕгтыл.

"Абон цард ивы. Сымах кусут иттӕг хорз уавӕрты, уарзы уӕ кӕсӕг. Нӕ хӕс - фидар къахдзӕфтӕ аразын размӕ, нӕ культурӕ райтынг кӕнын, ӕвӕллайгӕйӕ кусын Ирыстоны хӕрзӕбонӕн. Уӕ коллектив уыцы хӕстӕ ӕххӕст кӕны ӕнтыстджынӕй", - бахахх кодта Бибылты Анатолий.

Уый бафтыдта, кӕй ӕнӕрхъӕцӕй кӕй ӕнхъӕлмӕ кӕсы спектакль "Фӕстаг ӕвдисӕн"-мӕ, цы ран дзырд цӕуы ивгъуыд ӕнусы 20-ӕм ӕзты ирон адӕмы геноциды тыххӕй. Президент равдыста ныфс, спектакль кӕй бацӕттӕ кӕндзысты 20 сентябрьмӕ - Республикӕйы бонмӕ.

Анатолий Бибилов поздравил театралов Южной Осетии с 90-летием со дня образования Госдрамтеатра
© Sputnik / Natalia Airiyan
Уазджытӕн равдыстой ног ифтонгад дӕр - миты генератор, кӕцы театрӕн балӕвар кодта президент

Спектаклы премьерон равдыст хъуамӕ ацыдаид августы, фӕлӕ йӕ аргъӕвтой коронавирусимӕ уӕззау уавӕры тыххӕй.

Театры коллективӕн ма сӕ юбилейы цытӕн раарфӕ кодта культурӕйы министр Зассеты Жанна дӕр. 

Афтӕ ма ӕрӕмбырдуӕвджытӕн равдыстой ног ифтонгад дӕр - миты генератор, кӕцы театрӕн балӕвар кодта президент.

7