Хуссар Иры фӕстаг суткӕ рабӕрӕг кодтой дӕс ног рынчыны коронавирусӕй

Хуссар Иры фӕстаг суткӕ рабӕрӕг кодтой дӕс ног рынчыны коронавирусӕй

4
(ранӕуӕггонд 13:40 18.02.2021)
Ныридӕгӕн ма коронавирусӕй рынчынтӕй стационарон уавӕрты хос кӕны 21 адӕймаджы, уыдонӕй цыппар ис сывӕллӕтты рынчындоны, 17 - инфекцион хайады

ЦХИНВАЛ, 18 фев – Sputnik, Хъуылымбегты Зӕлинӕ. "Югоосетпотребнадзор"-ы лабораторийы ивгъуыд суткӕйы ауагътой 163 тесты коронавирусы инфекци рабӕрӕг кӕнынӕн, уыдонӕй дӕсӕн разынд ӕвӕрццаг хатдзӕг, фехъусын кодта цыппӕрӕмы уагдоны сӕрдары хӕдивӕг Гаглойты Анна.

"Коронавирусы хыгъдӕй ссӕрибар кодтой ӕртӕ адӕймаджы, кӕцытӕ сӕнӕниз сты. Ӕдӕппӕтӕй та æнæджæн пандемийы рӕстӕджы та сӕ нымӕц у 2115", - загъта уый.

Цӕстдардон уагдоны фӕстаг бӕрӕггӕнæнтӕм гӕсгӕ, медикты хъусдарды бын ис 879 адӕймаджы.

Ныридӕгӕн ма коронавирусӕй рынчынтӕй стационарон уавӕрты хос кӕны 21 адӕймаджы, уыдонӕй цыппар ис сывӕллӕтты рынчындоны, 17 - инфекцион хайады.

4
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

2
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

2
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2