Ног цӕсгӕмттӕ ӕмӕ нывӕзт: "Симд" реорганизацийы фӕстӕ радта фыццаг концерт Цхинвалы
(ранӕуӕггонд 11:18 19.02.2021)
Ансамбль реорганизацийы фӕстӕ фыццаг хатт радта концерт, кӕсӕг федта ног цӕсгӕмттӕ, ног нывӕзт ӕмӕ дӕсны архайд сценӕйылЦХИНВАЛ, 19 фев – Sputnik, Плиты Фатимӕ. Хуссар Иры кафты сӕйраг ансамбль Цхинвалы радта фыццаг концерт реорганизацийы фӕстӕ. "Симд"-ӕн ис ног репертуар, ног дарӕс ӕмӕ ранӕуӕггонд сконд. Кӕсӕг ӕвӕрццаг аргъ кӕны ранӕуӕггонд коллективы фыццаг къахдзӕфтӕн, уыимӕ иумӕ дзурынц баххӕстгӕнинӕгтыл дӕр.
Мадзал райдыдта паддзахадон ансамблы хоры ралӕудӕй. Сценӕмӕ национ дарӕсы рахызтысты хоры вокалисттӕ, дарддӕр кафджытӕ сӕхи бакодтой сценӕ.
©
Sputnik / Natalia Airiyan
"Симд" реорганизацийы фӕстӕ радта фыццаг концерт Цхинвалы
Коллективы сконд зынгӕ фӕфылдӕр ис, кӕцыдӕр номыртӕ ӕххӕст кодтой 30-гай кафджытӕ.
"Мӕхӕдӕг кафыдтӕн ӕмӕ ӕмбарын ирон хореографи. Раздӕр концерттӕм дӕр цыдтӕн ӕмӕ кӕд уым фылдӕр мидис уыд, уӕд ныр та хорз баиу кодтой ансамблы хӕйттӕ - хор, кафджытӕ сконд ӕмӕ музыкантты. Рауад цымыдисон ӕмӕ ӕнгом", - загъта Sputnik залы кӕсджытӕй иу Сӕлимӕт.
Кӕсӕг федта ног цӕсгӕмттӕ, ног нывӕзт ӕмӕ дӕсны архайд сценӕйыл.
"Иумӕйагӕй сисгӕйӕ хорз ралӕуд уыд. Фыццаг хайы сӕхи хатыдысты нымд, фӕлӕ стӕй райхӕлдысты. Тынг хорз тӕлмӕнтӕ ныууагътой гуымсӕгыл цӕгъдджытӕ ӕмӕ хор. Рухс ӕмӕ зӕлтӕ та уыдысты бафауинаг", - загъта Зӕлинӕ.
©
Sputnik / Natalia Airiyan
"Симд" реорганизацийы фӕстӕ радта фыццаг концерт Цхинвалы
Хор дӕс адӕймаджы скондӕй рахызт цалдӕр хатты, Дзауы уӕрдӕттӕ, Додой ӕмӕ ӕндӕр зындгонд зарджытӕй дарддӕр сӕххӕст кодтой уырыссаг ӕвзагыл номыртӕ дӕр.
"Кӕсӕджы цӕстӕнгасӕй мын хормӕ фау ӕрхӕссӕн нӕй, фӕлӕ, мӕ хъуыдымӕ гӕсгӕ, уырыссаг зарджытӕ нӕ фидыдтой", - загъта ӕндӕр кӕсӕг Эльбрус.
Ирон хореографийы традицион кӕфтытӕй дарддӕр ма ансамблы артисттӕ бацӕттӕ кодтой театралон равдыст.
"Алцыдӕр фӕцыд мӕ зӕрдӕмӕ. Гуымсӕгтыл цӕгъдджытӕ мын балхӕдтой сӕ зӕрдӕ. Стӕй ма рахицӕн кӕнин кафджыты синхронон змӕлд. Ӕппӕрццӕгӕй та зӕгъдзӕн - сценӕ уыд ӕгӕр тар", - радзырдта Sputnik Наташа.
©
Sputnik / Natalia Airiyan
"Симд" реорганизацийы фӕстӕ радта фыццаг концерт Цхинвалы
Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ивгъуыд аз фехъусын кодта реорганизацийы тыххæй. Уый фæлгæтты коллектив ногæй иста кафджыты, ивта хор æмæ оркестры сконд. Фæстæдæр къордæн фæзынд ног аивадон къухдариуæггæнæг.
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызыЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.
"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.
Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.
©
Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици
20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.
Хъыгдары ахуырадон процесс: столицӕйы администрацийы радзырдтой скъолаты карантины тыххӕй
(ранӕуӕггонд 16:50 17.09.2021)
Карантиныл сӕхгӕдтой 11 къласы ӕмӕ фондз къорды горӕты цалдӕр скъола ӕмӕ сабидоны. Куыст уым сног кӕндзысты хуымӕтӕг режимы 24 сентябры, банысан кодтой столицӕйы администрацийыЦХИНВАЛ, 17 сен – Sputnik, Козаты Диана. Хуссар Ирыстоны карантиныл сӕхгӕдтой 11 къласы столицӕйы скъолаты ӕмӕ цалдӕр къорды горӕты сабидӕтты. Уагдӕттӕ нывӕндынц ракӕнын штатон куыстмӕ фидӕн къуыри, бӕрӕгбоны фӕдыл улӕфт бонты фӕстӕ, фехъусын кодта Цхинвалы администрацийы ахуырады хайады хистӕр Сиукъаты Ольга.
Хуссар Ирыстоны сӕрдӕй фӕстӕмӕ фылдӕр кӕнынц коронавирусӕй рынчынтӕ. Югосетпотребнадзоры бӕрӕггӕнӕнтӕм гӕсгӕ, ивгъуыд суткӕйы вирус сбӕрӕг кодтой 48 адӕймагӕн.
"Карантины фӕдыл фыццаг приказтӕ ӕрбацыдысты 9 сентябры. Уӕдӕй фӕстӕмӕ ӕрвыл бон фылдӕр кӕны ӕхгӕд кълӕсты нымӕц. Абоны бон махмӕ ӕхгӕд сты 11 къласы ӕмӕ фондз къорды сабидӕтты. Кълӕстӕ ӕхгӕд сты 1, 2, 5 ӕмӕ 6-ӕм скъолаты. Карантин фӕуд кӕны 24 сентябры", - загъта Сиукъаты Ольга.
Уый банысан кодта, зӕгъгӕ, ахуырдзауты хсӕн рынчынтӕ кӕцы кълӕсты ис, уым ахуыргӕнджытӕ раттынц хӕслӕвӕрдтӕ ӕмӕ уадзынц консультацитӕ.
"Афтӕ нын дзуапп кӕнынц скъолаты директортӕ. Фӕлӕ махмӕ ахуыргӕнджытӕй дӕр бирӕ ис рынчын. Дистанцион ахуыр зын, ӕмӕ къласӕн сӕхи ахуыргӕнӕг куы нӕ вӕййы, уӕд та ноджы зындӕр у", - банысан кодта Сиукъаты Ольга.
Йӕ ныхӕстӕм гӕсгӕ, ахӕм уавӕрты хъыгдард ӕййафы ахуырадон процесс.
Майрӕмбоны бӕрӕггӕнӕнтӕм гӕсгӕ, Хуссар Ирыстоны пандемийы райдайӕнӕй коронавирусӕй фӕрынчын сты 5473 адӕймаджы.
Сергей Меняйлойы равзæрстой Цæгат Иры сæргълæууæгæй
ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.
"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.
Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.
"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.