Ковид

Хуссар Иры коронавирусӕй фӕрынчынуӕвджыты нымӕц ахызт ӕртӕ минӕй

8
(ранӕуӕггонд 13:27 19.02.2021)
Абоны онг республикӕйы рабӕрӕг ис 3 001 рынчыны коронавирусон инфекцийӕ, 2 117 адӕймаджы сӕнӕниз сты, фехъусын кодтой "Югосетпотребнадзор"-ы. Стационарон ӕмӕ амбулаторон хоскӕнынадыл, уагдоны бӕрӕггӕнӕнтӕм гӕсгӕ, сты 884 пациенты

ЦХИНВАЛ, 19 фев – Sputnik, Хъуылымбегты Зӕлинӕ. Хуссар Ирыстоны санитарон уагдон рабӕрӕг кодта ивгъуыд суткӕйы  авд ног рынчыны коронавирусӕй, уый адыл ӕппӕт пандемийы рӕстӕджы фӕрынчынуӕвджыты иумӕйаг нымӕц ахызт ӕртӕ минӕй. 

"ПЦР-лабораторийы ивгъуыд суткӕ сарӕзтой 82 тесты COVID-19 рафӕлгъауыны тыххӕй, уыдонӕй авд равдыстой низы уӕвынад", - фехъусын кодта Sputnik майрӕмбоны "Югоосетпотребнадзор"-ы сӕрдары хӕдивӕг Гаглойты Анна.

Йӕ ныхӕстӕм гӕсгӕ, фӕстаг суткӕйы медицинон хыгъдӕй систой дыууӕ пациенты, ӕдӕппӕт сӕнӕнизуӕвджыты нымӕц схызт 2 117 онг. Стационарон ӕмӕ амбулаторон хоскӕнынадыл, уагдоны бӕрӕггӕнӕнтӕм гӕсгӕ, сты 884 коронавирусӕй рынчын пациенты.

Пандемийы рӕстӕджы, Гаглойты Аннайы ныхӕстӕм гӕсгӕ, республикӕйы территорийыл ӕдӕппӕт сарӕзтӕуыд 17 839 тесты, коронавирус бахӕцыд 3 001 адӕймагыл.

8
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

2
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

2
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2