Национ телеуынынад хоны скъоладзауты конкурсмӕ

Агурӕм курдиӕтты: Хуссар Иры телеуынынад хоны скъоладзауты конкурсмӕ

36
(ранӕуӕггонд 11:17 01.03.2021)
Проект саразыны хъӕппӕрис равдыстой "AllonFilm" сценарист Бестауты Юлия ӕмӕ актер Мамиты Григорий

ЦХИНВАЛ, 19 фев – Sputnik, Плиты Фатимӕ. Хуссар Ирыстоны паддзахадон телеуынынад кӕны ног проект республикӕйы хистӕркъласонтӕн "Алло, мах агурæм амонæг", фехъусын кодта Sputnik проекты автортӕй сӕ иу Мамиты Григорий.

Проект саразыны хъӕппӕрис равдыстой "AllonFilm" сценарист Бестауты Юлия ӕмӕ актер Мамиты Григорий.

"Проекты архайынмӕ хуынд цӕуынц 9-11 кълӕсты ахуырдзаутӕ. Хистӕркъласонтӕ цӕттӕ кӕндзысты 10-15 минуты хронометражы алӕвӕрттӕ. Ӕххуыс сын кӕндзысты ПТРК "Ир"-ы кусджытӕ ӕмӕ проекты организатортӕ", - радзырдта уый.

Проект райдайдзӕн мартӕй. Развӕлгъау уал организатортӕ ауадздзысты кастинг.

"Куырдиӕттӕ бавдыстой ныр дӕр бирӕ. Жюри фыццаг рады аргъ кӕндзӕн телеамонӕджы дикци, тырнындзинад ӕмӕ ӕддаг бакаст. Алӕвӕрд цӕудзӕн ӕртӕ мӕйы дӕргъы ӕрвыл къуыри. Цыппӕрӕм алӕвӕрдӕй фӕстӕмӕ цӕуыдзысты комкоммӕ эфиры. Майы сбӕлвырд кӕндзысты проекты уӕлахиздзау", - бафтыдта уый.

Уый ма бахахх кодта, проекты сӕххӕст кӕнынӕни сын алыварсонӕй ӕххуыс кӕны телеуынынады размынад ӕмӕ куысджытӕ.

36
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2