Хуссар Иры боксертӕ систы Юность России-йы призертӕ

Хуссар Иры боксертӕ систы "Юность России"-йы призертӕ

33
(ранӕуӕггонд 14:27 20.02.2021)
Гуырахстджын ерысты уӕлахиздзауты пьедесталмӕ схызтысты боксертӕ Гатыгкоты Аслан ӕмӕ Цхуырбаты Арсен

ЦХИНВАЛ, 20 фев – Sputnik, Плиты Фатимӕ. Ӕрыгон боксертӕ Хуссар Ирыстонӕй систы ерыстӕ "Юность России" призертӕ. Турниры хорзӕхтыл тох кодтой 450 боксеры Уӕрӕсейы регионтӕй, фехъусын кодта Sputnik тренер Куымӕридтаты Родион.

"Гатыгкоты Аслан финалы ӕмсӕр тохы фӕхӕрд ис Капустин Максимӕн ӕмӕ ссис ӕвзист призер. Нӕ аннӕ минӕвар Цхуырбаты Арсен райста бронзӕйон хорзӕхы хицау",- загъта тренер.

Гуырахстджын ерыстӕ цыдысты Ставрополы крайы, Хуссар Ирыстонӕй дзы хайад райстой фондз лӕппуйы.

Боксеры из Южной Осетии стали призерами первенства Юность России
Фото из архива тренера Р. Кумаритова
Хуссар Иры боксертӕ систы "Юность России"-йы призертӕ
33
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5
Коронавирус

Хуссар Иры рабӕрӕг ис 10 ног рынчыны коронавирусӕй

2
(ранӕуӕггонд 11:41 03.03.2021)
Ивгъуыд суткӕйы республикӕйы коронгавирус бахӕцыд ноджы цалдӕр адӕймагыл, ӕдӕппӕт медикты хъусдарды бын сты 483 пациенты

ЦХИНВАЛ, 3 мар - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой коронавирусӕй ноджы дӕс фӕрынчынуӕвӕджы, фехъусын кодта Sputnik "Югосетпотребнадзор"-ы сӕргълӕууӕджы хӕдивӕг Гаглойты Анна.

"Фӕстаг бӕрӕггӕнӕнтӕм гӕсгӕ, 88 иртӕстӕй коронавирусон инфекцийы уӕвынад равдыстой 10 тесты", - загъта уый.

Абоны онг медикты хъусдарды бын стационарон ӕмӕ амбулаторон уавӕрты сты 483 пациенты. Иу рынчын ис интенсивон терапийы палатӕйы, йӕ уавӕр нымад у стабилоныл, фехъусын кодта республикӕйы сӕйраг инфекционист Джиоты Элеонора.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 836 тесты коронавирусы фӕдыл, уыдонӕй ӕвӕрццаг фӕстиуӕг радтой 3060. Сӕнӕниз сты 2577 адӕймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2