Хуссар Ирыстоны рауагъдонтӕ

Майданджын рауагъдон: куыд ӕххуыс кӕны хорзӕх Хуссар Иры абитуриентӕн

72
(ранӕуӕггонд 11:59 25.02.2021)
Ивгъуыд азы Хуссар Ирыстоны рауагъдонтӕй иу райста сызгъӕрин майдан ӕмӕ ӕхсӕз та ӕвзистытӕ

ЦХИНВАЛ, 25 фев – Sputnik, Плиты Фатимӕ. Хуссар Ирыстоны хистӕркъласонтӕй астӕуккаг скъола сыгъзӕрин ӕмӕ ӕвзист майдантыл каст чи фӕуд кӕны, уыдонӕн сӕ ацы хорзӕхтӕ феххуыс уыдзысты УФ ӕмӕ РХИ уӕлдӕр ахуыргӕнӕндӕттӕм бацӕуыны рӕстӕджы. Уый тыххӕй Sputnik радзырдта Ахуырады министры хӕстӕ ӕххӕстгӕнӕг Гасситы Натали.

"Хуссар Ирыстоны паддзахадон университетмӕ бацӕуыны рӕстӕджы профилон фӕлварӕнӕй фондз куы райса, уӕд аннӕтӕй у сӕрибар. УФ дӕр хынцыд цӕуы абитуриенты портфолио, сызгъӕрин ӕмӕ ӕвзист майданы фӕрцы бафтауынц баллтӕ, сӕ нымӕц алкӕцы ахуыргӕнӕндон бӕлвырд кӕны йӕхӕдӕг", - загъта Гасситы Натали.

Министры хӕстӕ ӕххӕстгӕнӕг ма бафтыдта, сызгъӕрин майдан райсынӕн кӕй хъӕуы хыгъдон ӕмӕ азы фӕлварӕнтӕ раттын фӕндзтыл 10-11 кълӕсты.

"Ӕвзист райсынӕн фӕстаг дыууӕ азы ӕрмӕст дыууӕ фӕлварӕнӕй хъуамӕ уа цыппӕртӕ, аннӕтӕ иттӕг хорз нысӕнттӕ. Зӕрдыл дарын хъӕуы, уыдон аз ӕртӕ хатты кӕй дӕттынц министрады контролон куыстытӕ уырыссаг ӕвзаг ӕмӕ литературӕйӕ, афтӕ ма математикӕйӕ, уым дӕр ӕвзӕр нысан райсгӕйӕ, уыдон майданмӕ претендентты нымӕцӕй рахауынц", - бафтыдта уый.

Уый ма бафтыдта, министрады контролон хӕслӕвӕрдтӕ иууылдӕр кӕй вӕййынц скъолайы нывӕзтӕй.

"Ивгъуыд азы пандемийы аххосӕй контролон куыстытӕ ауагътой ӕрмӕст дыууӕ. Ацы аз фӕнд кӕнӕм ауадзын ӕртӕ, кӕд эпидемиологон уавӕр бар радта, уӕд", - балхынцъ кодта Гасситы Натали.

Ивгъуыд аз Хуссар Ирыстоны рауагъдонтӕй иу райста сызгъӕрин майдан ӕмӕ ӕхсӕз та ӕвзистытӕ.

72
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау