Молоток судьи

Тӕрхондон не сразы рауадзын ахӕстонӕй Къӕбысты Георгийы ӕмгъуыдӕй раздӕр

6
Къӕбысты Георгийӕн тӕрхон рахастой 2019 азы июлы, уӕд ӕй сбадын кодтой ахӕстоны аст азмӕ. Уыцы аз августы ахӕсты бадыны ӕмгъуыд фӕкъаддӕр кодтой авд азмӕ. Абоны боны онг Къӕбысты Георгий арвыста ахӕстоны нысангонд ӕмгъуыды рдӕгӕй фылдӕр

ЦХИНВАЛ, 25 фев – Sputnik. Цхинвалы тӕрхондон хорзыл нӕ банымадта Къӕбысты Георгийы куырдиат ахӕстонӕй ӕмгъуыдӕй раздӕр рахизыны фӕдыл. Хъуыддагмӕ ӕркастысты горӕты тӕрхондоны цыппӕрӕмы тӕрхонгӕнӕг Сиукъаты Фатимӕйы къухдариуӕгады бын.

Къӕбысты Георгийы ӕрцахстой 2017 азы 7 ноябры. Хуссар Ирыстоны бастдзинады фӕдыл раздӕры министры азымджын кодтой экономикон фыдракӕндтӕ саразыны, службӕйон хӕстӕй ахизыны, афтӕ ма ӕнӕзакононӕй хӕцӕнгарз балхӕныны фӕдыл.

Къӕбысты Георгийы адвокат Икрамжан Раматовы куырдиатмӕ гӕсгӕ, уый ныридӕгӕн арвыста ахӕстоны нысангонд ӕмгъуыды рдӕгӕй фылдӕр ӕмӕ йын бар ис рахизын ӕмгъуыдӕй раздӕр.

Къӕбысты Георгий йӕхӕдӕг дӕр ракуырдта, цӕмӕй йын хорзыл банымайой йӕ куырдиат.

"Мӕ куырдиат мын хорзыл куы банымайой, уӕд ӕрдӕг азмӕ скусын кӕндзӕн радио районон центрты. Ӕз уый сараздзӕн мӕхи фӕрӕзтӕй, кӕд ӕмӕ Бастдзинады фӕдыл комитет уый нӕ сарӕзта ацы рӕстӕгмӕ. Кӕд ӕхцатӕ дарын, уӕд уыдон дӕр бафиддзӕн", - загъта Къӕбысты Георгий.

Зылынкӕныны фарс ракуырдта, цӕмӕй хорзыл ма банымайой куырдиат, уымӕн ӕмӕ Къӕбысты Георгий ӕххӕстӕй нӕ бафыста ӕрхӕсгӕ зианы суммӕ, афтӕ ма ахӕстоны ӕппӕрццаг характеристикӕйы тыххӕй.

Тӕрхонгӕнӕг ахӕстоны администраицйы ӕппӕрцаг характеристикӕйы тыххӕй ныууагъта Къӕбысты Георгийы тӕрхон йӕ тыхы.

Афтӕмӕй Къӕбысты Георгийы адвокатӕн фадат ис тӕрхондоны тӕрхоныл хъаст ахӕссын уӕлдӕр инстанцимӕ.

Къӕбысты Георгийӕн ахӕстоны фӕбадыны ӕмгъуыд фӕуд кӕны 2023 азы декабры.

6
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау